Azpilkuetatik (367 metro), Abra (712 m) eta Aizkozko lepora (730) igoko dira mendizaleak. Indarteko Bordara jautsita (251 m), bertan izanen dute lehen hornidura-gunea, 9. kilometroan. Basakaitz (380 m), Urtsumiats (541 m, 2. hornidura-gunea) eta Zamataleku (622 m) igo eta gero, Infernuko errotara jautsiko dira (352 m.). Hortik berriz ere goiti, Domikura (555 m, 3. hornidura-gunea) eta Urruspilera (786 m, ibilbidearen punturik altuena); Urruspiletik beheiti Azpilkuetara jautsiko dira, Bagordin barna (581 m).
Aitzinetik izena eman nahi duenak maiatzaren 29a arte izanen du aukera www.baztangomendigoizaleak.org webgunean. Egunean berean ere apuntatzeko aukera izanen da. Ibilbidea 07:00etatik 07:30era abiatuko da.
