Alde batetik, herriz-herriko emaitzak bildu zituen Ttipi-Ttapak 2011ko hauteskundeetan. Aldi hartan, Arano, Beintza-Labaien, Donamaria, Elgorriaga, Ituren eta Urrozen ez zen Udala osatzeko talderik aurkeztu eta azaroaren 20an izan zuten hauteskundeen bigarren deialdia. Aipatu, aurten bezala, Legasa, Narbarte eta Oieregiko kontzejuetarako ere ez zela hautagairik aurkeztu 2011n.
Bertzalde, Nafarroako Parlamenturako hauteskundeetako emaitzak ere bildu zituen Ttipi-Ttapak. Bildu izan zen alderdirik bozkatuena eskualdean, botoen %40,41ekin. Gainerako alderdi gehienek 2007an baino emaitza kaxkarragoak eskuratu zituzten. NaBai izan zen bigarren indarra eta UPN hirugarrena.
Atari honetan Ttipi-Ttapak 2011ko udal eta Parlamenturako hauteskundeen emaitzak herrika ageri dira.