Beraz, beteranoek gain hartu zioten gazteenei, defentsa sendoarekin eta joku serioarekin. Beharbada urdinek egin zituzten jokaldi ikusgarrienak, baina hutsegite sobera ere bai. Itxuraz, gazteek nekeari hobe eutsi behar zioten akabailan, baina alderantziz gertatu da, bai Zeberiok baita Etxeberriak ere, bigarren gaztaroan bizi direla erakutsi baitzuten. Zeberiok biharamonean Sagardoaren txapelketa ere irabazi zuela kontuan hartuz, asteburu berean bi txapel jantzi ditu.
Nafarroan minbizia duten haurrekin lan egiten duen ADANO elkartearen alde egindako jaialdian jende aunitz bildu zen eta jaialdi ireki zuen esku pilotako partidan, Arbizu eta Lintzoainek 22 eta 18 irabazi zieten Elizalde eta Sarasari.