Ortzegunean aukeratu zituzten finalerako pilotak. Utergak eta Olazarrek pilota bereziak hautatu zituzten. Zeberio II eta Endikak pilota fuerteagoak aukeratu zituzten, Olazar bilatzeko eta Utergak tantoa akitzeko aukera guttiago izan ditzan.
Zeberio II eta Endika izanen dira faborito, txapelketako lehen partida galdu ondotik, gainerako guztiak irabazi baitituzte. Utergak eta Olazarrek txapelketa gorabeheratsuagoa egin dute, partido onak eta kaxkarxeagoak tartekatuz.
Aipatzekoa da Galarretara hurbiltzen diren erremontezale guztiek frontoiko ostatuan pintxo potea doan izanen dutela, baina noski, poteak sagardoa izan beharko du.
Apirilaren 25eko partidak Galarretan, 16:00etatik aitzinera
1. Goikoetxea V-Zaldua; Ansa II-Martirenaren kontra, 35 tantura
2. Zeberio II-Endika; Uterga-Olazarren kontra, 40 tantura SAGARDOAREN TXAPELKETAKO FINALA
3. Etxeberria IV-Agirrezabala; Ezkurra II-Barrenetxea IV.aren kontra, 40 tantura
4. Segurola-Aizpuru III; Otaegi-Larrañagaren kontra, 30 tantura