Malerrekako Mankomunitateko Euskara Zerbitzuak eta Sunbillako Udalak elkarlanean antolatu dute haurrendako literatura saio bat Yolanda Arrietarekin. Abenduaren 26an, ortziralean 16:00etan 3-6 urte bitarteko saioa izanen da eta 18:00etan 7-10 urte artekoentzat. Biak Udaletxean.
Idazleak lan batzuk irakurriko dizkie haurrei eta haien galderei erantzungo die; horretaz gain, asmakizunak jarriko dizkie, palindromoak erakutsi, poemak irakurri… Saio bakoitzak ordubete inguru iraunen du. Saio hauen helburuak honako hauek dira: haurren irakurtzeko zaletasuna handitu, literatur genero ezberdinetara hurbildu eta irakurtzeko ohitura handitzea.