Azaroan ospatu zen Mariano Izeta txapelketan herriko bi bertsolari aritu ziren, Alazne Untxalo eta Iker Gorosterrazu. Hagitz saio polita egin zuten eta Alazne Untxalo Elizondoko finalerako ere sailkatu zen. Bosgarren postua lortu zuen, Saioa Alkaiza txapeldun suertatu zen saioan. Orain, agurrean esan zuen bezala Nafarroako bertso txapelketa prestatzen burubelarri hasiko da, seguruenik Egoitz eta Iker Gorosterrazu anaiak bezala.