Mendi Abesbatzak Donostiako Udaleko Txistulari Taldearekin batera antolatu ohi duen Eguberrietako kontzertua berezia izanen da aurten. Alde batetik, Txistulari Aldizkariaren azken aleak, hainbat herrietako dantzak bildu eta argitaratu ditu: Trapatan eta Banderaren dantzak. Jagoba Astiazaranek armonizatu ere egin ditu. Txistu banda tradizionalaren formatuan jo ahal izanen dira, eta moldaketa horiek estrainekoz entzunen dira kontzertuan. Errekako dantzariak eta bandera dantzatuko duen Eduardo Almandoz ere ariko dira. Bertzalde, Jose Ignazio Ansorenak, Mendi Abesbatzari eskainitako bi bilantziko konposatu ditu eta lehen aldiz adituko dira. Agorreta Musika Eskolako hainbat ikaslek abesten zein instrumentuak jotzen ere parte hartuko dute. Itziar Irigoienen laguntza ere eskertu nahi izan dute antolatzaileek.