7 urteko presondegi zigorra eman diote berriki Senperen bizi den gizon bati urteetan alaba bortxatzeagatik. 27 urteko herritarrak aita salatu zuen 8 eta 16 urte artean bortxaketak jasan baizituen.
Bertzalde, bi sute izan ditugu berriki herrian. Hergarai auzoan, 67 urteko emazte baten etxea osoki erre da. Kea sentitu eta lasterka auzokoen etxerat eskapatzea lortu zuen emazteak minik hartu gabe bainan bere etxean fitsik hartu gabe. Egun batzuk lehenago garrak lotu ziren Ibarrunen Eskola taberna gainean den apartamenduan. Hor ere kalte haundiak izan dira eta suhiltzaileek baliatu duten ura behean den ostaturat isuri da makur haundiak sortuz.