TDTko lizentzia eskatu du Xaloa Telebistak Parlamentuan

TTIPI TTAPA 2012-03-05 09:20   Gizartea  Mendialdea

Kultur Elkartearen eta langileen ordezkariak alderdi politiko guzietako ordezkariekin bildu ziren

Martxoaren 2an, ortziral goizean Xaloa telebista Nafarroako Parlamentuan izan zen. Xabier Torresek langileen izenean eta Ioseba Igarabide kultur elkarteren izenean bi idatzi irakurri zituzten, Xaloa Telebistaren egoera eta TDT lizentziaren beharra agertuz. Bertan zeuden alderdi politiko guzietako ordezkariak oniritzia eman, eta ahal den guzia egiteko prest agertu ziren.

Xaloa Telebistako langileak Nafarroako Parlamentuan izan ziren martxoaren 2an. Utzitako argazkia | Argazki originala

Martxoaren 2an, ortziral goizean Xaloa telebista Nafarroako Parlamentuan izan zen. Xabier Torresek langileen izenean eta Ioseba Igarabide kultur elkarteren izenean bi idatzi irakurri zituzten, Xaloa Telebistaren egoera eta TDT lizentziaren beharra agertuz. Bertan zeuden alderdi politiko guzietako ordezkariak oniritzia eman, eta ahal den guzia egiteko prest agertu ziren.

Xabi Torresek, Telebistako sei langileen izenean aipatu zuenez, «ez gatoz zuengana diru bila, lizentzia emanen digun erabaki politiko baten bila baizik, erabaki administratibo bat eskatzen dizuegu, garai hauetan lanpostu hauek mantendu ahal izateko, edo gehiago sortu ahal izateko». Izan ere, 15 urtetan eta bereziki TDTa sartu zenetik, egoera alegal batean ari dira eta oraindik ez zaio konponbiderik eman. «Egoera honen mantentzeak gero eta arazo gehiago sortzen ari dizkigu, eta oraintxe bertan lan erregulazio batean gaude, lansari erdiarekin. Izan ere, ezin daiteke betirako iraun burua uretan murgilduta; TDTan emititzeko lizentziarik ez edukitzeak, kanal analojiko zaharkituak erabiltzera kondenatzen gaitu eta enpresa gisa garatzea ez gaitu uzten» aipatu zuen Torresek.

Joseba Igarabidek, Xaloa Kultur Elkartearen izenean ere, lizentziak banatzerako orduan gure eskualdea mapatik kanpo gelditu zela aipatu zuen eta egoera honek galera ekonomiko handiak eragin dizkie. Horretaz, Xaloa Kultur Elkartearentzat lehentasun osoa du TDT lizentzi bat eskuratzeak, «proiektuak segitu ahal izateko, lanpostuak mantentzeko eta eskualdeko informazio zerbitzua eskaintzeko».

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa