Ander Erasun aurtiztarra Euskal Herriko eta Nafarroako aizkolari gazteen txapelketetan arituko da. Euskal Herrikoa uztailaren 2an jokatuko da Arabako Ozateko kiroldegian, 12:00etan. Nafarroakoa, berriz, uztailaren 10ean eginen da Iruñeko Foruen Plazan, Sanferminetan Nafarroako Herri Kirol Federazioak osatzen duen egutegi zabalaren barrenean. Hemen ere eguerdiko 12:00etan izanen da hitzordua. Ander Erasun orain arte herrian eta Beintza-Labaiengo bestetan aritu da aizkoran plazan, baina ikasten segitzeko gogotsu ikusten zaio eta gogor entrenatzen ari da. Aupa Ander eta segi horrela!