Javier Urrizari Urrezko Erremontea emateko hainbat arrazoi izan dira. Buruz buruko txapeldun eta izateaz gain, Masters-a irabazi zuen urtarrilaren 7an, frontoi laburreko Eguberrietako txapelketa irabazi zuen, baita San Fermin eta San Isidro txapelketak ere. Binakakoan finalerdietara ailegatu zen.
Erregulartasunaren sariak
Erregulartasunari dagokionez, partida nagusiak jokatzen dituzten erremontelarien A multzoan Xanti Uterga doneztebarrak jaso du saria. 33,86 puntu eskuratu ditu 65 partidetan (gehieneko puntuazioa 40koa litzateke, partida guztiak irabazita). Horretaz gain, binakako txapelketa irabazi du Endika saldiastarrarekin. B multzoan Xabier Azpiroz izan da irabazleam 47 partidetan 35,72 puntu eskuratuta.
Txapelketa azkarra
Urrezko Erremontea txapelketa azkarra ere jokatu zuten ortzegunean Galarretan. Lehenbiziko finalerdian, Urrizak eta Azpirozek 25-23 irabazi zieten Uterga eta Etxeberria III.ari. Bigarrenean, Zeberio II eta Endikak 25-22 irabazi zieten Ezkurra II eta Ion. Baina Zeberio II.ak min hartu zuenez, Ezkurra II eta Ion pasa ziren finalera eta irabazi ere egin zieten Urriza eta Azpiroz-i, 25-23. Hortaz, finalerdia galdu arren, finala irabazi eta txapeldun izan ziren Josetxo Ezkurra eta Ion.
