Urriaren 1ean, larunbat arratsaldeko 8etan Errioxako ardoaren dastaketa berezia hasiko da eta ordubete beranduago, Xalbador Arotzenaren omenez onddo kaxuela lehiaketa hasiko da. 22:00etan afaria eginen dute.
Urriaren 2an, igande goizeko 9:30ean kalejira eta ibilaldia eginen dute kofradiako kide berriek bainuetxetik herriraino, Zubietako joaldunen laguntzarekin. 10:00etan meza ospatuko da, Abesbatzak kantatua. Ondotik kofrade berrien izendapena eginen da, baita Onddo Enbaxadoaren izendapena ere. 11:00etan Zubietako joaldunak eta txaranga karrikaz karrika ibiliko dira. Eguerdian, kofradien eta gonbidatuen artean ohiko onddo kaxuela lehiaketa eginen da frontoian, Juanito Mariezkurrena zenaren omenez. Txapelak, dominak eta Sueños Sanvirila kateko egonaldiak izanen dituzte saritzat. 13:00etan onddo pisutsuenaren Sanvirila txapelketa jokatuko da. Ondotik, bortz saski onddo eta sari ezberdinen zozketa eginen da, baita onddo eta Nafarroako produktuen dastaketa ere.
