Apirilaren 20an izanen da ikastaroa eta biharamunean kantu bazkaria izanen dute
Larunbatean 18:30ean ordu erdiko erromeria eskainiko dute plazan eta dantza-poteoa eginen dute gero
LAB sindikatuaren (Langile Abertzaleen Batzordeak) 50. urteurrenaren harira Eskuz esku. LAB zabaltzen dokumentalaren proiekzioa eginen dute apirilaren 21ean, igandean 11:00etan Lesakako Harriondoa kultur etxean. Ondotik, solasaldia izanen dute.
Liburuaren Nazioarteko Egunaren harira, ipuin kontalaria izanen dute apirilaren 23an, asteartean 17:30ean Lesakako liburutegian. Próspero Teatroren eskutik Printze Giltzapetua ipuina izanen dute, hiru eta zortzi urte arteko haurrei zuzendua.
Lesakako San Fermin erretiratuen elkarteak Pradejón herrira (Errioxa) bidaia antolatu du apirilaren 24an, Nafarroako Gobernuaren babesarekin. Txartelak 30 eurotan (35 euro bazkide ez direnek) erosteko azken eguna apirilaren 20a izanen da, jubilatuen ostatuan.
Heldu den astean elkarteko dendetan egiten diren erosketen truke poltsa bat oparituko zaie bezeroei egun horretan
Oscar Candendo organistak eta herriko Mikel Galardi tronpetistak joko dute elizan, 18:30ean hasita Lesakako Roqués Organoaren Lagunen Elkarteak (AAORL), 2023. urtean San Martin elizako organoa zaharberritzeko lanak bukatu ondotik, aurten lau kontzertuz osatutako organo-ziklo bat antolatu du: horietako bi udaberriko organoaren zikloan sartuko dira, eta bertze bi udazkenekoan. Kontzertuen formatua aldatuko da; horrela, udaberriko zikloko lehen kontzertuan organoarekin batera tronpeta izanen da, eta hurrengoan saxofoia. Udazkeneko kontzertuetako bat organoarena bakarrik izanen da, eta bertzea txistuarekin egiteko asmoa dute. Lehenengo kontzertua apirilaren 28an izanen da, igandean 18:30ean San Martin elizan, eta bertan parte hartuko dute Oscar Candendo Zabala organistak (Kataluniako Goi Mailako Musika Eskolako organo espezialitateko irakaslea eta Donostiako Artzain Onaren S. I.eko organista) eta Mikel Galardi Txoperena tronpetista lesakarrak.
Hitzaldia maiatzaren 10ean Lesakako Herriko Etxeko batzar aretoan eginen dute eta Lidon Soriano Segarra ekintzailea izanen da hizlaria, brigaden koordinatzailea eta larrialdietako erizaina Palestinan 20 urtez.
Lehen Hezkuntzako ikasleek herriari buruzko galderei erantzun behar diote eta apirilaren 26a baino lehen aurkeztu