Kaxkabeltza elkarteak 2.000 euro banatu ditu erosketa-txarteletan

  Gizartea  Leitzaldea  Leitza

Kaxkabeltza elkarteak 2.000 euro banatu ditu erosketa-txarteletan

Mikel Martinezek irabazi du 500 euroko saria

Aurten ere, gabonetako zozketa berezia antolatu dute Leitzako Kaxkabeltza elkarteko merkatariek. Abenduaren 9tik urtarrilaren 5era arte, elkarteko denda-zerbitzuetan erosketak egin dituztenek hamar erosketa-txartelen zozketan parte hartzeko aukera izan dute. Denetara, 2.000 euro banatu dituzte; 100 euroko bost sari, 200 eta 300 euroko bina sari eta 500 euroko sari nagusia. Azken hau, Mikel Martinez Barranco herritarrak eskuratu du.

Bazkide berriak apuntatzeko epea ireki du Goizuetako Umore Onak

  Gizartea  Leitzaldea  Goizueta

Bazkide berriak apuntatzeko epea ireki du Goizuetako Umore Onak

Urtarrilaren 17ra bitarte, elkarteko tabloian 

Bazkide berriak apuntatzeko epea ireki du Goizuetakp Umore Ona elkarteak. Interesatua dagoenak, elkarteko bi bazkideren babesarekin, orain arte bezala, izena eman behar du elkarteko tabloian urtarrilaren 17a baino lehen.

Goizuetako Narbarte anai-arrebak oholtzara bueltatu dira Nafarroako III. Trikitixa Jaialdian

  Kultura  Leitzaldea  Goizueta

Goizuetako Narbarte anai-arrebak oholtzara bueltatu dira Nafarroako III. Trikitixa Jaialdian

Urtarrilaren 7an egin zen Altsasun eta zazpi bikotek parte hartu zuten 

Nafarroako III. Trikirixa jaialdia antolatu zuen Nafarroako Trikitixa Elkarteak urtarrilaren 7an Altsasun. Zazpi bikotek parte hartu zuten jaialdian, eta horien artean, Goizuetako Dani eta Ainara Narbarte anai-arrebek parte hartu zuten (gipuzkoarrak ez ziren bakarrak). Aspaldi ez ziren elkarrekin oholtzara igoak eta jaialdi honen aitzakian jende aitzinera atera ziren larunbatean Altsasun. Danik berak sortutako hiru pieza jo zituzten.

Ekuadorko dantzak izan zituzten urtea agurtzeko Leitzan

  Kirola  Leitzaldea  Leitza

Ekuadorko dantzak izan zituzten urtea agurtzeko Leitzan

"Ñukanchipa kawsayta wiñachi" edo Gurea estimatuz lemapean, argazkian azaltzen diren Leitzako nexkato ekuatoriarrek, ez irakasle eta inoren laguntza gabe, erakustaldia eskaini zuten plazan abenduaren 31n. Beraien gurasoak indigenak dira eta dantza egiten dute eskerrak emateko, ofrenda egiteko, eguzkiari, artoari, urteko uztari eskerrak emateko. Dantza xume eta umila benetan, urtea agurtzeko.

Leitzako Erleta eskolako gelak txukundu eta margotu dituzte

  Gizartea  Leitzaldea  Leitza

Leitzako Erleta eskolako gelak txukundu eta margotu dituzte

Julio Garcia eta Andreew Wilson aritu dira, Leitzaldeko Gizarte Zerbitzuen Prebentzio eta Gizarteratze programaren eskutik

Julio Garcia eta Andrew Willson, Leitzako Erleta eskolako gela batzuen txukunketa eta margoketa egiten ari dira boluntario lanetan. Ekintza hau Gizarte zerbitzuko Prebentzio eta Gizarteratze programak antolatu du. Gizonei bideratutako proiektu integratzailea da.

Goizuetako lehen pilota txapelketako finalak jokatu dituzte urtarrilaren 7an

  Kirola  Leitzaldea  Goizueta

Goizuetako lehen pilota txapelketako finalak jokatu dituzte urtarrilaren 7an

Umore Ona kirol elkarteak antolatu du aurten lehen aldiz

Umore Ona kirol elkarteak antolatutako Goizuetako lehen pilota txapelketako finalak jokatu zituzten urtarrilaren 7an, larunbat goizean Goizuetako udal pilotalekuan. Hiru kategoriatan banatuak jokatu dute: Umeak (benjaminak), kimuak (alebinak) eta gazteak (jubenilak). Kategori bakoitzean zortzi bikote aritu dira, guztira Nafarroako eta Gipuzkoako 48 pilotari.

Goizuetako I. pilota txapelketako finalak

  Kirola  Leitzaldea  Goizueta

»» Ikusi argazki guztiak (0)

Norbere burua zaintzen ikasteko ikastaroa antolatu dute Leitzan, 60 urtetik gorako emakumeei zuzendua

  Gizartea  Leitzaldea  Leitza

Urtarrilaren 5era arte eman daiteke izena, Gizarte Zerbitzuan

‘Gure buruak zaintzen’ ikastaroa antolatu du Leitza, Goizueta, Areso eta Aranoko Gizarte Zerbitzuen Mankomunitateko Berdintasun Batzordeak, 60 urtetik gorako emakumeei zuzendua. Izen ematea urtarrilaren 5era arte zabalik dago Gizarte Zerbitzuan (948 510840 telefonoan) eta ikastaroa urtarrilaren 11, 18 eta 25ean eta otsailaren 1ean eskainiko dute Leitzako eskolan, 17:00etatik 19:00etara.

Hamargarren urteurrena kontzertu bikain batekin borobildu du Goizuetako Umore Ona Abesbatzak

  Kultura  Leitzaldea  Goizueta

Hamargarren urteurrena kontzertu bikain batekin borobildu du Goizuetako Umore Ona Abesbatzak

Musika eta kantuaz gain, omenaldiak eta giro bikaina izan zituzten igandean

Hamar urte bete ditu aurten Goizuetako Umore Ona abesbatzak eta urte osoan zehar egin dituzten urteurreneko ekitaldiak borobiltzeko, gabonetako kontzertu berezia eskaini zuten abenduaren 18an, igande eguerdian Goizuetako elizan, Hernaniko Ozenki, Getariko bandarekin eta beste gonbidatuekin batera. Bezperan, Hernanin, Ozenki abesbatzarekin eta Hernaniko bandarekin batera aritu ziren.

Joanes Illarregi Nafarroako Bertsolari txapelketako final laurdenetan izanen da

  Kultura  Leitzaldea  Leitza

Joanes Illarregi Nafarroako Bertsolari txapelketako final laurdenetan izanen da

Ostiralean Iruñean jokatutako kanporaketan lortu zuen txartela leitzarrak, Saats Karasatorre, Joana Ziganda eta Sahats Alemanekin batera

Lepo zegoen Iruñeko Katakraken jokatu zen ostiralean Nafarroako Bertsolari Txapelketako kanporaketa saioa. Bertan txapelketan lehen aldiz izena eman duten bertsolariek hartu zuten parte eta Saats Karasatorrek eskuratu zuen lehen postua. Harekin batera, Joanes Illarregi leitzarra (kanporaketan aritu zen eskualdeko bertsolari bakarra), Joana Ziganda eta Sahats Aleman sailkatu dira otsailean hasiko diren Nafarroako Bertsolari Txapelketako final laurdenetako. 

Plazaola Bide Berdearen egoeraz aritzeko bildu dira Nafarroako Gobernua eta Leitzako Udala

  Gizartea  Leitzaldea  Leitza

Plazaola Bide Berdearen egoeraz aritzeko bildu dira Nafarroako Gobernua eta Leitzako Udala

Orain dela bi urte gertatutako erortza konpondu gabe segitzen du eta Andoaindik heldu diren zikloturistak errepidera atera behar dute Leitzara iristeko

Nafarroako Gobernuko Turismo eta Komertzio zuzendari nagusiak eta Leitzako udalak bilera izan zuten abenduaren 15ean. Bilera horretan, besteak beste, Plazaolako Geltokiaren inguruan Leitzako Turismo mahaiak landutako txostena aurkeztu eta leitzarrek, bi urtez konpondu gabe dagoen trenbideko erortzaren inguruko kezka helarazi zitzaion zuzendariari.

Euskal Herriko elite mailako lau eta erdiko txapelketa irabazi du Iker Salaberria goizuetarrak

  Kirola  Leitzaldea  Goizueta

Euskal Herriko elite mailako lau eta erdiko txapelketa irabazi du Iker Salaberria goizuetarrak

Biharamunean, Guillermo Mazo txapelketa ere irabazi zuen 

Euskal Herriko elite mailako lau eta erdiko pilota txapelketa irabazi zuen Iker Salaberria pilotari goizuetarrak. Abenduaren 2an Laudion jokatutako final ikusgarri eta berdinduan 22-19 irabazi zion Arabiourrutia bizkaitarrari.

19 urte profesionaletan egin ondotik pilota utziko du Abel Barriolak

  Kirola  Leitzaldea  Leitza

19 urte profesionaletan egin ondotik pilota utziko du Abel Barriolak

Binakako txapelketa bukatutakoan hartuko du erretiroa pilotari leitzarrak eta omenaldia eginen diote apirilaren 16an

19 urtez frontoietan hara eta hona ibili ondotik, pilota uztea erabaki du Abel Barriola pilotari leitzarrak. Erretiroa, hala ere, ez du berehala hartuko, binakako txapelketa bukatzen denean baizik, udaberrian. Hala jakinarazi du abenduaren 2an, ortzirale goizean eskainitako prentsaurrekoan.

Berriz ere plazara bueltatu da Goizuetako azienda feria

  Gizartea  Leitzaldea  Goizueta

Berriz ere plazara bueltatu da Goizuetako azienda feria

Hiru urtez euria egin ondotik, Iturengo joaldunek hodeiak uxatu eta giro bikaina izan zen plaza inguruan 

Urteko zita garrantzitsuenetakoa izan zuten larunbatean Goizuetan, Azienda Feri Egunaren hamahirugarren edizioa, hain zuzen. Azienda, artisau eta nekazaritza produktuen postuak ikusgai izan ziren goizean zehar, baita trikitilariak, joare egileak, sagardo egileak, eta beste hainbat, Kultur Taldeak, Gazte Asanbladak, Gurasoak Guraso Elkarteak eta Umore Ona elkarteak, Udalaren laguntzaz antolatuta.

Goizuetako azienda feria 2016

  Gizartea  Leitzaldea  Goizueta

»» Ikusi argazki guztiak (33)

Oinatz Bengoetxea leitzarrak lau t’erdiko txapela jantzi du lehen aldiz

  Kirola  Leitzaldea  Leitza

Oinatz Bengoetxea leitzarrak lau t’erdiko txapela jantzi du lehen aldiz

Ogetan igandean jokatutako final ikusgarrian 22-21 irabazi zion Altuna III amezketarrari

Ikusgarria, estua eta gogorra. Horrela deskriba daiteke azaroaren 27an Gasteizko Ogeta pilotalekuan jokatutako lau t'erdiko txapelketaren finala. Ordu eta erdi inguru iraun zuen partidan asko sufritu dute Oinatz Bengoetxeak eta Jokin Altunak, eta Leitzakoa nagusitu zen azkenean, 22-21. 

Anbulantzia bat utzi dio Nafarroako Gobernuak Goizuetako suhiltzaile boluntarioen parkeari

  Gizartea  Leitzaldea  Goizueta

Anbulantzia bat utzi dio Nafarroako Gobernuak Goizuetako suhiltzaile boluntarioen parkeari

Zaharkituta gelditua zen aurreko ibilgailu bat ordeztuko du, eta harekin larrialdietako garraio sanitarioaren 40 bat zerbitzu ematen zituzten urtean

Nafarroako Gobernuak duela gutxi anbulantzia bat utzi dio Goizuetako suhiltzaile boluntarioen parkeari; parke horrek, udalerri horretan eta Aranon bereziki, larrialdietako garraio sanitarioaren 40 bat zerbitzu ematen ditu urtean. Ibilgailuak aurreko beste bat ordezkatuko du zerbitzu hori betetzeko gehieneko epea gainditu ondoren, hau da, matrikulatu zenetik, hamar urte. 

Nabarmenak

Zorion agurrak