erran.eus

Goizuetako Txamorazaharra baserria kixkali du sute batek

  Gertaerak  Leitzaldea  Goizueta

Hutsik zegoen baserria eta hortaz, ez da zauriturik izan

Urriaren 29an, larunbat goizaldean izandako sute batek erabat kixkali eta hondatu du Goizuetako Aitasemegi auzoan dagoen Txamorazaharra baserria. Goizuetako suhiltzaile boluntario batek eman zuen abixua larunbat goizeko 6:50ean Nafarroako Larrialdi zerbitzuan, baserria erretzen ari zela eta laguntza eskatuz.

Goizuetako Txamorazaharra baserria kixkali du sute batek
Txamorazaharra baserria erabat kixkali du suak. Argazkia: Felix Loiarte | Ikusi handiago | Argazki originala

 

Iruñeko suhiltzaile parke nagusiko suhiltzaileakm zisterna eta autobonba kamioia eraman zituzten Goizuetara. Herriko suhiltzaile boluntarioak Txamozaharrera ailegatu zirenerako teilatua eta solairuetako zolak eroriak ziren. Inor ez zen bizi baserrian, baina berriki erosia zuten zaharberritzeko intentzioarekin. Hormak ere erortzeko arriskua zenez, suhiltzaileek lanean segitu zuten, sua kontrolatu eta baserria inguratzen duten zuhaiztietara ez hedatzeko.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa