Aizkolariei dagokienez, Jon Rekondo leitzarra eta Donato Larretxea aranztarra izanen dira aurrez aurre, 10 kanaerdikoko lanean. Galtzailea kanporatua geldituko da eta irabazleak bertze kanporaketa bat jokatzeko aukera izanen du.
Harrijasotze txapelketan, berriz, bi harrijasotzaile gazte ariko dira nor baino nor gehiago: Aizarnazabalgo Xabier Peñagarikano eta Orioko Gorka Etxeberria. Bi minutuko txandetan, 150 kiloko harri laukiarekin, 113 kiloko kubikoarekin eta 100 kiloko borobilarekin ariko dira lanean. Altxaldi gehien egiten duenak sailkatuko da hurrengo kanporaketarako.