Nerabezaroa zein gaztetasuna izanik beste pertsonekiko erakargarritasuna bereziki pizten den unea, eta jakinik, aldi berean, pertsona bakoitzak bere erritmo eta bere modu propioa duela ligatzeko, ez ligatzeko edo proposamen bati baietz edo ezetz esateko, interesgarria iruditzen zaigu ligoteo edo ezagutza prozesu horretan ematen diren elemetuak aztertzea eta lantzea.
Tailerraren helburua ez da ligatzen ikastea, fenomeno horren azterketan eta gure buruarekiko ezagutzan kokatzen da gehien bat. Horrekin, ligoteo sanoago bat landuko dugulakoan gaude.
Garrantzitsua da gazte hauei horretarako tresnak ematea, taldeak eta ingurukoen presioa gaindituko dituen tresnak eskeini, alegia, autoestima eta autoezagutzaren bidez lortuko ditugunak. Horretaz gain, errespetua eta berdintasuna osagai ezinbestekoak dira koktel honetan.