Leitzaldeko irakurzaleek, literaturaz taldean solastu eta gozatzeko aukera izanen dute laster. Leitzako liburutegiak, Leitzako Kultur Taldeak eta Leitza, Goizueta, Areso eta Aranoko euskara zerbitzuak irakurle taldea sortzeko ekimena jarri baitute abian. Deialdi irekia da eta izena emateko urriaren 18ra bitarteko epea izanen da. Horretarako Leitzako liburutegira (948 510379 / biblioteca.leitza@cfnavarra.es) edo Euskara zerbitzura (948 510814 / laga@iparmank.org) deitu edo idatzi beharko dute. Gero, urriko azkeneko astean interesa duten guztiekin bilera bat antolatzeko asmoa dute antolatzaileek taldearen inguruko alderdi guztiak zehazteko: elkartzeko maiztasuna, tokia, ordutegia, dinamizazioa, liburuak lortzeko bideak...