Leitzaldeko Bilgune Feministak eta LAB sindikatuak maiatzean curriculumak biltzeko deialdia egin zuten 2. sektorean lan egin nahi zuten emakumeen artean. 49 curriculum jaso dituzte eta gehiago jasotzen ari dira egun hauetan. Maiatzaren 19an, osteguna, entregatu zituzten Sarriopapel y Celulosa S.A enpresan.
“Curriculum bilketak herriko emakumeek herrian lan egin nahi dutela erakusten du” eta lortutako emaitzarekin oso baikor eta pozik azaldu dira Bilgune Feminista eta LAB.
Sarriopapel enpresatik jarrera baikorra agertu dutela adierazi dute Leitzaldeko Bilgune Feministak eta LABek. Ostiralean bertan emakume batzuei deitzen hasi zirela ere adierazi dute, egun hauetan lanean has zitezen. Iada lau emakume hasi dira bertan lanean.
Bilgune Feministatik eta LABetik pozgarritzat jo dute albistea “borrokak eta aldarrikapenak balio dutenaren adierazle da hau”. Baina aldarrikapenak egiten jarrituko dutela esan dute.