Egun osorako jarduera mordoa antolatuak dituzte, eta euria eginez gero, Plazan egin beharrekoak frontoian eginen dira seguruenik.
Goizeko 11:00etan hasiko da topaketa Plazan eginen diren Joku kooperatiboekin. Eguerdiko 13:00etan kalejira, Goizuetako gazteen zagidantza eta Leitza-Goizuetako trikitilariekin. Segidan, Aresoko dantzari txikiak arituko dira. Bazkaltzeko ogitartekoa norberak berea eraman beharko du, eta edatekoa, Aurrera elkartean emanen zaie. Arratsalde partekoa 16:00etan hasiko da Goizuetako eskolako kantariekin eta Asketa Txikikoen emanaldiarekin. 17:00etan “Bizi alai” antzeslana eskainiko du Bihar taldeak, eta eguna bukatzeko, arratsaldeko 18:00ak aldera, txokolate jatea eta ingurutxo popularra.