Lekunberri, Araitz, Arano, Areso, Betelu, Larraun, Leitza eta Goizuetako Herriko Etxeetako ordezkariekin lan batzordea osatu zuten orain dela hilabete batzuk udal zerbitzuak hobekiago antolatu eta ahal den neurrian emateko aukerak aztertzeko.
Herri hauetan ematen diren zerbitzu ezberdinen azterketa egin ondoren, Musika Eskolara, zaborren bilketa eta tratamendura eta Gizarte Zerbitzura bakarrik zabalduko da oraingoz elkarlana. Nafarroako Gobernuari eskatu zaio berari dagokion dirulaguntza, eta Lekunberriko Herriko Etxean zentralizatuko dira aipatutako zerbitzuak. Biztanleen kopuruaren arabera ordainduko du herri bakoitzak.