Duela 25 urte Donostiako eta Leitzako gazte batzuen burutazioz hasitakoa da Kaskagorren penthatlona eta iraileko laugarren asteburuko larunbatean ospatzen da. Ondarretako hondartzan igeri egin ondoren, Nafarroako mugaraino bizikletaz etorri, Leitzako herrira laisterka ailegatu eta bertan egiten dira azken bi frogak, bazkaria eta parranda. Hasierako urteetan 20 bat lagun elkartu ziren eta azkeneko urteetan 80tik gora bizikleta konta daitezke, eta azkeneko bi frogatan ehundik gora lagun. Helburu nagusia lagun arteko egun zoragarri bat igarotzea da.