Igor Esnaola, Mikel Garaialde eta Juan Joxe Lizaso gipuzkoarrak eta Jon Kanflanka leitzarra Gizonezkoen Euskadiko sega txapelketaren txapel nagusiaren bila lehiatuko dira abuztuaren 10ean, igande eguerdiko 12:00etan hasita Leitzako Erreka auzoko Urtotxikibaserri inguruan.
Lau segalari hauek Aian (Gipuzkoa) jokatutako kanporaketan lortu zuten finalerako txartela. Leitzan ordubeteko lana izanen dute eta ahalik eta belar-kilo gehien ebakitzen duenak jantziko du txapela, aintzat hartuta txukun ez ebakitzeagatik epaileek jar ditzaketen zigorrak.