api 18, 14:30 Leitzaldea Leitza
Lau urteko etenaldiaren ondoren, gogotsu hartu dute korrikalariek Leitzako Herri Krosaren itzulera. Apirilaren 13an jokatu zuten proba herrikoia eta aurreikuspen guztiak hautsi dituzte parte hartzaile kopuruek. Benjaminetan azkeneko urteetan baino korrikalari gehiago izan dira, 67 gaztetxok parte hartu dute proban eta 143k helduetan. Taldeka parte hartu eta axuria irabazteko erronka ere luzatu zuten antolatzaileek eta izena eman zuten sei taldeek lortu zuten erronka gainditzea. Antolatzaileek «balorazio oso ona» egin dute.
api 18, 12:00 Bortziriak Lesaka
Maiatzaren 11-12ko asteburuan, Lesakan, II. Bizibide Enduro Lasterketa jokatuko dute. Iaz bezala, larunbatean sailkapen-saioa izanen da herriko karriketan barrena eta igande goizean lasterketa Bizibideko ibilbideetako lau zati kronometratuekin. Lasterketan parte hartzeko inskripzioak ireki berri dituzte eta nahi duenak izena eman dezake hemen sartuta.