Munduko errugbi txapelketarako txartela lortu du Saioa Jaurena elizondarrak

  Kirola  Baztan

Munduko errugbi txapelketarako txartela lortu du Saioa Jaurena elizondarrak

Espainiako selekzioa Eskoziakoari nagusitu zaio Europako azken txartela ematen zuen kanporaketan

Saioa Jaurena elizondarrak Europako emakumezkoen errugbi txapelketa irabazi zuen urrian Espainiako selekzioarekin. Garaipen hark, Munduko txapelketarako sailkatu ahal izateko bertze bi partida jokatzeko eskubidea eman zion Espainiako selekzioari. Hain zuzen, azaroan jokatukdu Eskoziaren kontra, joan eta etorriko kanporaketa, 2017an Irlandan jokatuko den Munduko txapelketarako Europako taldeendako azken txartelaren bila. Eskozian jokatutako partidan 5-10 irabazi zuen Espainiako selekzioak eta itzulerakoan, Madrilean larunbatean jokatutako partidan ere 15-10 irabazi zuenez, Munduko txapelketan izanen da Espainiako selekzioa eta Saioa Jaurenak ere izanen du bertan parte hartzeko aukera.

Oinatz Bengoetxea leitzarrak lau t’erdiko txapela jantzi du lehen aldiz

  Kirola  Leitzaldea  Leitza

Oinatz Bengoetxea leitzarrak lau t’erdiko txapela jantzi du lehen aldiz

Ogetan igandean jokatutako final ikusgarrian 22-21 irabazi zion Altuna III amezketarrari

Ikusgarria, estua eta gogorra. Horrela deskriba daiteke azaroaren 27an Gasteizko Ogeta pilotalekuan jokatutako lau t'erdiko txapelketaren finala. Ordu eta erdi inguru iraun zuen partidan asko sufritu dute Oinatz Bengoetxeak eta Jokin Altunak, eta Leitzakoa nagusitu zen azkenean, 22-21. 

Bortzirietako eskuz binakako XVI. Pilota txapelketako finalak azaroaren 26an jokatu dituzte Arantzan

  Kirola  Bortziriak

Bortzirietako eskuz binakako XVI. Pilota txapelketako finalak azaroaren 26an jokatu dituzte Arantzan

Lau kategoriatan aritu dira aurten, bortz herrietan entrenatzen duten 24 bikote 

Bortzirietako eskuz binakako XVI. Pilota txapelketaren finalak azaroaren 26an jokatu dituzte Arantzan. Aurten, neurri ttikiagoko txapelketa antolatu dute Bortzirietan, lau kategoritan hutsa eta bertan entrenatzen duten pilotariekin. 24 bikotek parte hartu dute eta erran bezala, larunbatean izan ziren finalak Arantzan. Jende aunitz hurbildu zen finalak ikustera.

Munduko hiru mendizale handienetakoak ekarriko ditu Errekak abenduaren 18ko Mendiaren Egunean

  Kirola  Malerreka  Doneztebe

Munduko hiru mendizale handienetakoak ekarriko ditu Errekak abenduaren 18ko Mendiaren Egunean

Simone Moro italiarra, Ali Sadpara pakistandarra eta Alex Txikon euskalduna, Nanga Parbat neguan igo duten lehen mendizaleak dira 

Simone Moro italiarra, Ali Sadpara pakistandarra eta Alex Txikon bizkaitarra izanen dira abenduaren 18an, igande arratsaldeko 6etan Doneztebeko Ezkurra pilotakekuan, Errekaren Mendiaren Egunaren barrenean. Sarrerak 8 eurotan salgai daude Titin (Doneztebe), Intzan (Elizondo), Errekalden (Bera) eta Maimurren (Leitza).

Zaragozako erremonte txapelketa azkarrean nagusitu dira Urriza eta Joxe Etxeberria doneztebarra

  Kirola  Mendialdea

Zaragozako erremonte txapelketa azkarrean nagusitu dira Urriza eta Joxe Etxeberria doneztebarra

Igandeko partida erabakigarrian 30-17 irabazi zieten Endika eta Ion-i

Azaroaren 20an jokatu da Zaragozako erremonte txapelketa azkarrean Urriza eta Joxe Etxeberria III nagusitu dira. Hiru bikote lehiatu dira erremontean eta horretaz gain, bertze modalitatetako pilota partidak ere ikusi dituzte Zaragozako Helios Igeriketa zentruko frontoian.

Euskadiko 4x4 sokatira txapelketa irabazi du Beti Gaztek

  Kirola  Bortziriak  Lesaka

Euskadiko 4x4 sokatira txapelketa irabazi du Beti Gaztek

320 kiloko kategoriako aitzineko saioetan bezalaxe, larunbatean Ibarran jokatutako finalean ere tiraldi guztiak irabazi zituen

Joan den astean Nafarroako zortzinakako txapelketa irabazi ondotik, larunbat honetan Euskadiko 4x4 sokatira txapelketa ere irabazi du Lesakako Beti Gazte sokatira taldeak. Zehazki, 320 kiloko kategoriako txapela lortu du Ibarran. Azaroaren 5ean Zamudion (Bizkaia) eta azaroaren 13an Anoetan (Gipuzkoa) egin zuen bezalaxe, Ibarrako finalean ere tiraldi guztiak irabazi zituen Beti Gazteko laukoteak.

Iker Vicentek Nafarroako aizkolarien txapel nagusia jantzi du bigarren urtez

  Kirola  Malerreka  Doneztebe

Iker Vicentek Nafarroako aizkolarien txapel nagusia jantzi du bigarren urtez

Hamar segundo eskas atera zizkion Leitzako Ruben Saralegi lehengusuari eta minutu eskas Jon Rekondori

Doneztebeko Feria eguneko arratsalderako herri-kirol saio ederra prestatua zuen aurten ere Nafarroako Herri Kirol Federazioak. Nafarroako lehen mailako Aizkora Txapelketaren finala jokatu zen eta pronostikoa betez, gaur egungo txapelduna, Otsagabiko Iker Vicente nagusitu zen.

Fernando Etxegaraik hamargarren txapela jantzi du Euskal Herriko koxkor biltze txapelketan

  Kirola  Mendialdea

Fernando Etxegaraik hamargarren txapela jantzi du Euskal Herriko koxkor biltze txapelketan

Maika Ariztegi azpitxapeldun izan zen larunbatean Elgoibarren, hamalau txapel jantzi eta gero

Euskal Herriko gizaseme eta emakumezkoen koxkor biltze txapelketak jokatu ziren azaroaren 12an Elgoibarren. Gizonezkoen artean, Berako Fernando Etxegaraik hamargarren txapela lortu zuen eta emakumezkoetan, Arabako Zuriñe Frutos izan zen txapeldun. 14 aldiz txapeldun izan den Maika Ariztegi iturendarra bigarren postuarekin konforme gelditu behar izan zuen. Gaur egungo Nafarroako txapelduna den Unai Iantzi aniztarra eta lehen parte hartzea zuen Irune Izkue beintza-labaiendarrak hirugarren postuak eskuratu zituzten.

Urdazubiko I. Kontrabandisten RallySprintean erabaki da Nafarroako txapelketa

  Kirola  Xareta  Urdazubi

Urdazubiko I. Kontrabandisten RallySprintean erabaki da Nafarroako txapelketa

Joseba Beola etxalartarra bigarren izan da pilotoen sailkapen orokorrean eta Joxe Luis Iratzoki lehenbizikoa kopilotoen artean 

Nafarroako Automobilismo Federazioak eta Ilargi Sport eskuderiak lehen aldiz antolatu dute Urdazubin Kontrabandisten Rallysprinta azaroaren 12an. Nafarroako Asfalto gaineko Rallyen txapelketarako azken proba puntuagarria zen, eta beraz, Urdazubin erabaki ziren txapeldunak.

Kontrabandisten I. Rallysprinta

  Kirola  Xareta  Urdazubi

»» Ikusi argazki guztiak (4)

Ernadi Rock 2016

  Kirola  Malerreka  Donamaria

»» Ikusi argazki guztiak (4)

Goitibeheren hiriburu izan da Bera larunbatean

  Kirola  Bortziriak  Bera

Goitibeheren hiriburu izan da Bera larunbatean

Larunbat goizean entrenamendu libreak eta arratsaldean jautsiera, goitipoteobehera, afaria eta sari banaketa izan zituzten

Berako I. Koadrilen arteko Goitibera lehiaketa egin dute azaroaren 5ean, Mitxinborda eta Matzada artean. Eguraldi euritsuari aurre eginez, larunbat goizean entrenamendu libreak egin zituzten. Bazkalondoan dortsal banaketa eta alkoholemia kontrolaren ondotik, goitibeheren jautsiera, hiru txandatan banatuak. 

Aritz Zubiri goizuetarrak lehen aldiz jokatuko du binakako erremonte txapelketa nagusian

  Kirola  Mendialdea

Aritz Zubiri goizuetarrak lehen aldiz jokatuko du binakako erremonte txapelketa nagusian

Bortz bikote lehiatuko dira azaroaren 3tik aitzinera eta abenduaren 17an jokatuko da finala

Bortz bikote ariko dira binakako 46. erremonte txapelketa ofizialean, joan den urtean Koteto Ezkurra doneztebarrak eta Endika Urrutia saldiastarrak jantzi zuten txapelaren bila: Urriza eta binakako nagusian lehen aldiz ariko den Aritz Zubiri goizuetarra, Ezkurra II eta Ion, Koteto Ezkurra eta Etxeberria III, Segurola eta Barrenetxea IV eta Uterga eta Endika.

78 korrikalarik parte hartu dute Lesakan Tren Txikito Lasterketaren lehen edizioan

  Kirola  Bortziriak  Lesaka

78 korrikalarik parte hartu dute Lesakan Tren Txikito Lasterketaren lehen edizioan

Hiru ibilbide izan zituzten aukeran, 6, 12 eta 17 kilometrokoak eta luzeenean Angel Macias eta Lurdes Oiartzabal nagusitu ziren 

Bidasoko Trenbideak ehun urte bete dituela eta ospakizunei segida emateko, Udal kiroldegiak lehen aldiz Lesakako Tren Txikito Lasterketa antolatu zuen urriaren 30erako. 78 korrikalarik parte hartu zuten eta hiru ibilbide izan zituzten aukera: 6 kilometrokoa (Lesaka-Berrizaun), 12 kilometrokoa (Lesaka-Berrizaun-Lesaka) eta 17 kilometrokoa (Lesaka-Berrizaun-Harkaitzako iturria-Lesaka). Luzeenean, astebete lehenago Lizuniagako Igoera irabazi zuen Lurdes Oiartzabal eta Errenteriako Angel Macias nagusitu ziren. 

Lesakako I. Tren Txikito lasterketa

  Kirola  Bortziriak  Lesaka

»» Ikusi argazki guztiak (42)

Eneko Otañok irabazi du Euskal Herriko bigarren mailako aizkora txapelketa

  Kirola  Mendialdea

Eneko Otañok irabazi du Euskal Herriko bigarren mailako aizkora txapelketa

Beizamakoarekin batera, Julen Alberdik lortu zuen lehen mailan aritzeko eskubidea ematen duen bigarren postua ere 

Euskal Herriko bigarren mailako aizkora txapelketako finala jokatu zuten urriaren 29an  Azkoitiko pilotalekuan. Sei aizkolarietatik lau nafarrak ziren, baina bi gipuzkoarrek lortu zituzten lehen mailan aritzeko eskubidea ematen duten bi txartelak: Eneko Otaño txapeldun izan zen, eta bigarren mailako aizkolaririk gazteena, Julen Alberdi, bigarren.