api 19, 16:00 Mendialdea
Apirilaren 21ean, Arriben emanen diete Mendialdeko azoka ibiltariari. Bosgarren edizioa izanen da aurtengoa eta Mendialdea eskualdeko baserritar eta artisauek egindako sasoiko produktuak bultzatu, ikusarazi eta saltzea izanen du helburu. Jakiez gain, eskulangintzako hainbat postu ere izaten dira beti azoketan. 2024an azoka jarduera edo ekitaldiren batekin osatuko dute. Publiko berria erakartzeko eta bisitarien egonaldia luzatzeko gai diren jarduerak aurreikusi dituzte: eki- taldiak, erakusketak, tailerrak, erakustaldiak, dastatzeak, bisita gidatuak...
api 19, 13:30 Baztan Oronoz-Mugairi
Nafarroako Parlamentuko Landa Garapeneko eta Ingurumeneko Batzordeak Oronoz Mugairiko arrain haztegia bisitatu zuen asteazken goizean. Oronoz-Mugairikoa Nafarroako Gobernuko hiru arrain haztegietako bat da, eta, alde batetik, Bidasoa izokinarekin birpopulatzeko lan egiten du, eta, bertzetik, izokin-eskualde mistoko ibaiak indartzeko erabiltzen diren amuarrainak gizentzen ditu Oronoz-Mugairiko haztegian.