Malerrekako eta Bertizaranako kontsultategiak dira eskualdean lanpostu guztiak beteak dituzten osasun zentro bakarrak. Monica Martin Doneztebeko osasun etxeko zuzendariak baieztatu duenez, «plantilla konpleto» dute. Arazoak ordezkapenekin sortzen zaizkie, baina hortik aparte, zer hobetua badela uste du eta administrazioari eta herritarrei hainbat eskaera egin dizkie.

Pediatra falta dute Leitzako Osasun Zentroan hutsune nagusia, eta gobernuak konponbiderik ematen ez diela ikusita, zerbitzua berrezartzea eskatuz mobilizazioak hasi dituzte gurasoek. Hala segitzeko asmoa dute. Josune Uranga Leitzako Osasun Zentroko erizainen buruak ere «pediatra izateko borrokan» ari direla gaineratu du.