Martxoaren 3an, ortziralean, 19:00etan, Colectivo Cerdas taldearen erakusketaren irekiera eginen dute Berako Kataku ostatuan. Martxoaren 19ra bitarte ikusgai izanen da.
Martxoaren 4an, larunbat arratsaldeko 5etan, Emakumeon gorputza: minik gabeko erditze konszientea hitzaldi-tailerra eskainiko du Estitxu Fernandezek Beralandetan. Gero, trikipoteoa eginen dute eta bukatzeko, 21:00etan emakumeen kantu afaria Espidobaitan (Afariaren prezioa 15 eurokoa da eta izena emateko 688662858 telefonora deitu behar da).
Bortzirietako Emakumeen Mendi Itzulia Arantzan
Bortzirietako Oinarrizko Jendarte Zerbitzuen Mankomunitateak antolatutako Bortzirietako Emakumeen VIII. Mendi Itzulia Arantzan eginen dute martxoaren 5ean. 09:00etan Arantzako plazatik aterako dira eta Meakara igo ondotik, Argatsorora joanen dira, gero Senberrokoborda azpitik Pilotasorora eta Zakuteneko bordatik Putzu beltzera, Arruzpin barrena herrira itzultzeko. 13:00etan elkarretaratzea eginen dute leku berean. 14:00etan bazkaria Pabloenean (Prezioa: 20 euro). Izen emateko azken eguna martxoaren 2a izanen da. Horretarako, 948 635036 telefonora deitu behar da.
Martxoaren 7an, astearte arratsaldeko 4:30ean Lesakako Harriondoa Kultur Etxean, Cuidarse para cuidar hitzaldia eskainiko du Alzheimer eritasuna dutenen senideak biltzen dituen AFAN elkarteak.
Martxoaren 8an, asteazkenean 12:30ean elkarretaratzea eginen dute Toki Ona institutuan eta 13:00etan filma eskainiko dute Kultur Etxean. 20:00etan kalejira eginen dute Mukixu zubitik Altzateko plazara. Kalejira giroteko danborrak edo soinua ateratzeko bertze tresnak eramatea eskatu dute.
Martxoaren 10ean, ortziralean 18;30ean, Gutik Zura dokumentala eskainiko dute Etxalarko Kultur Etxean.
Martxoaren 12an, igandean 18:00etan Sufragistas filma eskainiko dute Berako Beralandetan.
Martxoaren 19an, igandean 18:00etan, Beraren konkista antzezlana eskainiko dute Berako Kultur Etxean.
