Ortzegun Gizeneko harat-honatak egin dituzte Beran

Inude eta Artzai ttikiak eta ikastetxeetako konpartsak kalejiran ibili ziren

Ortzegun Gizen eguna ere handia izaten da Beran. Eguraldi ederra aprobetxatuz, kalejira egin zuten arratsaldean suhiltzaileen parketik Eztegara pilotalekura. Inude eta artzai ttikiekin batera, ikastetxeek bakoitzak bere konpartsa eta gaiarekin atera ziren: Ricardo Baroja eskolakoek itsasoa izan zuten gaitzat, Labiaga ikastolakoek zirkoa, eta Jesusen Bihotzakoek estralurtarrak. Ondotik, haurrentzako berbena izan zen Eztegara pilotalekuan.