erran.eus

Igantziko azken saskigileari buruzko dokumentala Paris, New York eta Londonen emanen dute

  Gizartea  Bortziriak  Igantzi

Euskaraz egindako zortzi film labur ikusi ahal izanen dira Laburbira Zikloan Euskal Herriko hainbat herritan ere

Euskaltzaleen Topaguneak antolatzen duen aurtengo Laburbira programarako, KATUBIk Beran ekoiztutako Azken saskia dokumental laburra aukeratu dute, bertze 6 filmekin batera. Tartean, Kimuakeko hiru maisulan daude, «beraz ikaragarrizko ohorea da guretzat hor egotea», dio Katubiko Oier Fuentes egileak. Horretaz gain, Euspot lehiaketako onenak ere egongo dira.

Igantziko azken saskigileari buruzko dokumentala Paris, New York eta Londonen emanen dute
Jesus Mari Sein saskigilea da film labur honetako protagonista. | Ikusi handiago | Argazki originala

 

Aurtengoan, Martxoaren 3tik Apirilaren 7ra garatuko da Laburbira, eta guztira 32 herri eta hiritan egongo dira ikusgai lanak: Azpeitia, Sondika, Paris, New York City, Gasteiz, Larraintzar-Ultzama, Hernani, Ermua, Arespalditza, Lazkao, Basauri, Arrasate, Soraluze, Zumaia, Sestao, Areatza, València, Araia-Asparrena, Usurbil, Bergara, Ordizia, Biasteri, Azkoitia, Mutriku, Arbizu, Elgoibar, London, Agurain eta Igorre.

 

Azken saskia

Azken saskia dokumentalean, Jesus Mari Seinen historia kontatzen da. Jesus Mari Sein Igantziko azken saskigilea izateaz gain, gaztainarekin saskiak lehengo eran egiten dituen azken nafarra da. Ikus-entzunezko honetan bere ofizioa eta bizitzaren errepaso bat egiten da, eta bere azken saskia egiten ikusten da, ogibide honen desagerpenaren arrazoien inguruko hausnarketa bultzatuz.

Osorik ikusi nahi bada, aukerarik onena Laburbirako proiekzioetara hurbiltzea da, Azken Saskiaz gain beste lan interesgarri batzuk ikusgai izanen direlako. Bertzela, norbere herrian proiekzio bat antolatu nahi duenak, Katubirekin harremanean jarri behar da. Bertze aukera bat ere bada: KATUBIn harpidetu, hain zuzen KTB ZERRENDA PRIBATUAn eta doan eta sarean ikusi.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa