Nafarroa Oinez 2017 Lesakan

Nafarroa Oinez denda irekiko dute azaroaren 12an Lesakan

Ttipi-Ttapa/Xorroxin 2016ko aza. 10a, 08:53

Larunbateko ospakizunean kalejira Elutxa txarangarekin, bertso eskolakoen saioa, luntxa eta haur tailerrak izanen dituzte

2017ko Nafarroa Oinez Lesakako Tantirumairu ikastolak antolatuko du. Azaroaren 3an egin zen aurkezpen ofiziala Iruñean. Azaroaren 12an, berriz, Bittiria karrikaren 26an, garai bateko Laminaciones de Lesaka lantegiaren bulegoetan irekiko dute Oinez denda eta inaugurazioa laguntzeko, hainbat ekitaldi antolatu dituzte.

 

Larunbat arratsaldeko 4tan, Elutxa Txaranga Tantirumairu ikastolatik aterako da, buruhandiekin batera, kalejiran dendaraino hurbilduz. 16:30ean dendan (Bittiria, 26), bertso eskolakoek saioa eskainiko dute eta Amaia Lasheras lehendakariaren solas batzuk eginen ditu. 17:00etan luntxa izanen da eta ondoren, haurrendako tailerrak.

Dendaren irekieraz gain, azaroaren 27an eskualderako eginen den Nafarroa Oinezen aurkezpena ere prestatzen ari dira. Egun horretan, bi saio eginen dituzte Harriondoa Kultur Etxean eta bertze ekitaldien artean, arropa eta material kolekzioa aurkezteko desfilea ere izanen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun