Urruñako Adixkideak antzerki taldearen emanaldiak eta mus txapelketa izan zituzten Kontrabandistaren Egunean
Ibardingo Merkataritza Elkarteak Kontrabandistaren Festa antolatu zuen urriaren 23rako. Ibardin joan den mendeko 40-50 urteetara itzuli zen igandean, bigarren gerra mundialaren ondoren. Kontrabandistak garai horietan eramaten zuten jantziekin ikusteko aukera izan zen egun osoan eta jendetza bildu zen.
Eguerdian eta arratsaldean Urruñako Adixkideak antzerki taldeak garai horietako bizitza antzeztu zuen, kontrabandista, gendarme, guardia zibil, eta mojaz mozorroturik.
Gainera haurrentzako musika, jokoak eta puzgarriak izan ziren, baita mus txapelketa ere.