Berekin batera Xabier Sarasola Salegi, Aiert Retegi Telletxea, Raquel Migelena Telletxea, Manuel Telletxea Iparragirre, Jone Urtxegi Dorronsoro eta Ana Jose Irigoien Etxebeste dira Herriko Etxea kudeatuko duen lan taldea.
Juan Carlos Unanua alkateak aipatu duenez, «oraindik lur hartzen ari gara eta Herriko Etxean zer lan bete behar diren ikusten eta martxa hartzen ari gara. Jardunean aritu den lehengo udalaren lekukoa hartu eta geldirik zeuden gauzak desblokeatzen hasiko gara». Egoera kezkagarria izan dela aipatu du alkateak, «erosotasunean lasai egoten da, baina norbaitek hartu behar du ardura. Horretan hasi gara. Helburu nagusia Herriko Etxeari jarraipena ematea da, ahal dugun guztia eman eta gauzak ongi egiten saiatzea da, herria hobetzeko. Eskertzekoa da lehengo udalak eman digun babesa eta laguntza ere».