Gure Txokoak berdindu egin du Ordizia Bren kontrako promozioko joaneko partidan
Larunbatean Mastegin jokatu zuen partida berdintzea aski zuen Lesakako Beti Gazteko talde nagusiak mailari eusteko, baina irabazten hasi arren, galdu egin zuen azkenean. Jautsiko zirela pentsatuz, partida bukatu eta goibel gelditu ziren jokalari eta zaleak, baina halere, zorionez, Elgoibarretik berri onak ailegatu ziren eta sailkapenean gibeletik zuen Euskalduna taldeak ere galdu egin zuenez, bertze urte batez Gipuzkoako Ohorezko mailan segituko dute lesakarrek. Preferente mailarako promozioan, Ordiziako bigarren taldearen kontra berdindu egin zuen Gure Txokoak eta heldu den asteburuan Beran jokatuko du itzulerakoa.
FUTBOLA
Gipuzkoako ohorezko mailan
Beti Gazte 1 (Ibon Txoperena) – Ordizia 2
Gipuzkoako erregionaleko 4. Postua kanporaketak
Ordizia B 1 - Gure Txokoa 1 (Aitzol Irizar)
Gipuzkoako infantilen lehen mailan
Zumaiako 4 – Gure Txokoa 2 (Asier Latorre eta Jokin Reyes)
ESKUBALOIA
Mutiko kadeteak liga
BM Burlada 38 – Erreka 22
Alebin mixtoa
Erreka A 8 – BM Uharte 8
Anaitasuna C – Erreka B
SASKIBALOIA
Preminibasket mutikoak
Berriozar 27 - Toki Ona Bortziriak 52