Berako Kultur Etxean Aurizberriko Auzperri Abesbatzak kantatuko du.
Auzperri Abesbatza 1992an jaio zen herriko parrokiako abesbatzatik. Hasieratik Begoña Almirantearenaren zuzendaritzapean. Errepertorioan musika erlijiosoa eta profanoa dugu, a capella edo organo-laguntzarekin. Auzperri Abesbatzaren jokaeremua bere herrian eta ingurunean izan ez ezik, non hainbat kultur ekitalditan eta jai erlijiosoetan parte hartzen duen (Musikaren Eguna, Artzainen Eguna, Nafarroako Pirinioetako Abesbatzen Topaketa, Done Jakueren Bideko Abesbatzak), elkartrukeak ere egiten ditu hainbat herrirekin: Arrasate, Lekunberri, Atarrabia…. Gisa berean, hainbat musika ziklotan eta musika jardunalditan parte hartu du; bertzeak bertze, Ziordiko Musika Jardunaldiak, Tuterako F. Remacharen Topaketa edo Ozkabarten izandako Done Jakue Bidearen Topaketa. Nafarroako Abesbatzen Federazioan sartzean (2009) Nafarroaren Egunean parte hartzen du eta Nafarroako Gobernuak babestutako hainbat ekitalditan.
Lesakan Ganbera Orkestra
Nafarroaren Eguneko ohiko emanaldien barrenean, Artearen Lagunen Elkarteko Paulino Otamendi Ganbera Orkestrak emanaldia eskainiko du abenduaren 3an, ortzegun arratsaldeko 1etan Harriondoa Kultur Etxeko Txokobiko aretoan. Hogei instrumentistek (soka, haizea, zeharkako txirulak, teklatua eta perkusioa) osatzen dute Paulino Otamendi Ganbera Orkestra.
