Goldatz taldeak antolatuta, azaroaren 20an Pintxo-pote morea egin zuten Berako ostatuetan eta azaroaren 22an, Hamaika TBren Ertzak. Eraso sexistei aurre egitearen zilegitasuna bideoa eskaino zuten Beralandetan. Azaroaren 25ean, asteazkenean 20:00etan Mukixu zubian elkarretaratzea deitu dute beltzez jantzita joateko deia egin dute Berako Emakume Talde Feministako kideek.
Azaroaren 25ean, asteazken eguerdian Arantzako Udalak bultzatutako elkarretaratzea eginen dute herriko plazan.
Berako Toki Ona ikastetxeak bultzatuta, berriz, elkarretaratzea eginen dute patioan 13:00etan. Parte hartzea denei zabaldua izanen da. Aipatzekoa da urriaren 27 eta 28an autofedentsa ikastaroa eta maskulinitate eredu berriak ere landu zituztela institutuan eta 16 urteko 100 ikaslek parte hartu zuten.
Azaroaren 25ean, Bortzirietako Gizarte Zerbitzuek bultzatuta, Montxo Armendarizen No tengas miedo filma eskainiko dute Beralandetan, asteazken arratsaldeko 6etan.
Azaroaren 28an, azkenik, Arantzako Udalak bultzatuta, Lilja 4ever filma eskainiko dute larunbat arratsaldeko 6etan Baskulan.