Bortziriak, uraren magaletik euskararen bidean dokumentalaren estreinaldia eginen da azaroaren 29an, larunbat arratsaldeko 7:30ean Berako Kultur Etxean. Estreinaldiaren ondotik, Igantzin, abenduaren 8an, 18:00etan eskolan ikusgai izanen da dokumentala eta Arantzan, Etxalarren eta Lesakan abenduaren 13an. Guztietan izanen da materiala erosteko aukera eta gonbidatuak izanen dira Bortzirietako Euskara Mankomunitateko ordezkariak, elkarrizketatuak eta Gaizka Aranguren, Labrit Multimediako zuzendaria. Ikusi trailerra
Itsas amuarrain baten bidea
Urak benetan markatu ditu Bortzirietako herritarrak. Beraien bizitzak zipriztindu ditu. Marinel, bajura eta alturako arrantzaleak izan ziren Ternuan, artzain Ameriketan, neskame frantzian...
Itsas amuarrain baten bidaia jarraitzen du honako dokumentalak. XX. mende hasieran itsasoratu zen eta etxera bueltan den amuarrainarena, hain zuzen ere. Utzitako bortz herriak berriz ere ikusitakoan oroitzapenak etorriko zaizkio burura. Bizimoduak, ohiturak, elikadura...eta euskara. Dena aldatu da, baina euskaraz bizitzen jarraitzen dute bortziritarrek. Sorlekura egiten duen itzulera honetan jakin dugu bertzeak bertze, garai horretan gaztainak bizirauteko ezinbertzekoak izan zirela, ikasi dugu bokata eta baikuntza hitzen erranahia edota mamia eta gaztanbera nola egiten den. Goiti eta beheiti ibili gara Arantza, Lesaka, Igantzi, Bera eta Etxalarren. Beti ere Bidasoa ibaiari itsatsita, uraren magaletik euskararen bidean. Lana osatzeko abiapuntua 2006 eta 2008 urte artean Euskokultur Fundazioak Bortzirietan egindako kultur ondare ez-materialaren bilketa izan da. Elkarrizketatuen memoriak eraman gaitu uraren magalera. Oroitzapenei irudiak jarri eta dokumentala ezagutzera eman behar dute orain.
Elkarrizketatuak
BERA
Dolores Errandonea, Doroteo Legia, Joxe Antonio Errandonea, Joxe Maritorena, Juan Matxikote, Juanito Burguete, Matias Irazoki, Pakita Ado, Patziku Martikorena, Pepita Mindegia, Pilar Iratzoki Rosario Iratzoki, Tere Abril.
LESAKA
Joxe Irigoien, Joxe Mitxelena, Luis Olaetxea, Maialen Irigoien, Manuela Iantzi, Pedro Lanz, Rafael Eneterreaga.
ETXALAR
Cipriano Sansiñena, Javier Indaburu, Javier Sansiñena, Jose Ramon Berroeta, Leon Goienetxe, Lorentxo Ibarra, Maria Luisa Larrañaga, Maritxu Zubieta, Salvadora Arburua, Terexa Goienetxe.
IGANTZI
Agustin Antxordoki, Dolores Retegi, Elvira Iturria, Euxtakio Iguzkiagirre, Inaxi Etxeberria, Jesus Mari Sein, Jose Luis Antxordoki, Juan Sein, Manuela Sein, Patxi Txoperena.
ARANTZA
Cornelio Ubiria, Dionixi Lazkano, Inaxi Iparragirre, Joxe Mari Ordoki, Juan Aginaga, Juanita Leiza, Koxme Larretxea, Martina Bergara, Norberto Elizondo, Panttaleon Errandonea, Roman Iparragirre.