Bi urte pasatu dira Bertizaranan udal talde berria lanean hasi zenetik. Geroztik, normalean izaten diren hasiera gogorrak gaindituta, gai aunitz jorratu dituzte, bakoitzaren gora behera logikoekin.
Antonio Erregerena alkateak hurrengoari txanda eman dio arrazoi pertsonalak direla eta. Bertizko Turismo Partzuergoan lehendakari ordea eta eskualdeko garapen batzordeko presidente ere bada Erregerena, baina bi kargu horiek ere utziko ditu.
Maiatzaren 8ko udal batzarrean eman zuen erabakiaren berri eta hemendik aitzinera, Bilduko zerrendan hirugarren zen Joxe Etxart izanen da alkate berria eta Idoia Hernandorena lan taldean arituko den zinegotzia, lana garbi eta txukun egiten segitzeko asmoz eta gogoz.