Narbarte bezalako herri ttiki bati, ostatu batek bizi edo mugimendu haundia ematen dio. Pote bat hartzeko dela, meza ondotik kafea dastatzeko edo lagunekin gelditzeko dela, dudarik gabe, herriko txokorik erabilitarikoena da ostatua.
Isak hamairu urtez bere lanarekin ostatuaz gozatzeko aukera eman digu. Joan den urtarrilaren 23an, ordea, luntx eder bat medio zela, eta giro ederrean, urteotako bere ostatuko lanari akabila eman zion. Herriko Ostatua itxita gelditu da orain.
Masajista herrian
Gure herrian dagoeneko ez da bizkarreko minaren beldurrik, tente-tente ibiltzen gara denak. Maria Iñarreak Masai masaje zentroa ireki du. Azaroan hasi zen lanean eta gisa askotako minak sendatzen ditu.