Oinez, korrika, txirrindulan edo kotxean bere ondotik pasatzen gara, baina ia ez diogu erreparurik egiten. Hor dago isilik, bere izena kisulabea da, iraganeko lan neketsuak utzirik dituela, erretiroa hartuta. 1905ean herriko sei bazkidek egin zuten eta duela 14 urte Kontzejuak berritua, orain turistentzat begirune izaten da.
Garai batean, Narbarteko herrian sei kisulabe izan ziren, baina orain itxura onean bat bakarrik dago.
Ez zen nolanahiko lana kisua egitea. Lehenik oteaz, adarraz eta egurraz bete, ondotik, Mokorro menditik ekarritako kareharriak goian jarri eta sua piztu. Sua hiru egun eta hiru gau pizturik edukitzen zen eta bitartean beheko zulotik egurra sartu eta egurra sartu. Hiru egunen buruan kare harriak apurturik zeuden eta kisua prest. Lorturiko kisuari etekin ederra ateratzen zitzaion, nekazariek abonu gisa eta igeltseroek eraikuntzetarako enplegua emanez.
DATUA
1905 URTEAN eraiki zuten herriko sei bazkidek orain turistentzat arretagune den kisulabea.