Mitxel Aginaga Narbarteko kirolariak emaitza onak eskuratuz hasi du denboraldi berria Suitzan lortutako hirugarren postu batekin. Bertizaranakoa ez zegoen bere egoerarik onenean, baina hala ere ez zuen hutsik egin. Irabazleak ia lau minutuko aldea atera bazion ere, hagitz hurbil ibili zen bigarren postutik. Azkenean, baina, minutu erdia atera zion bigarrenak. Mitxelek, bere aldetik, 1:44:07ko denbora egin zuen; Senn Simeon irabazleak 1:40:42koa, eta Wüthrich Renek 1:43:36koa (goian lehen hiru sailkatuak; behekoan Mitxel ageri da).