Bertze urte batez, Berako Abesbatzak parte hartuko du abenduaren 7an Queimadaren Kofradiak eginen dituen ekitaldietan, Donostiako Udaletxeko areto nagusian.
Fatima Gonzalezen zuzendaritzapean, hiru abesti kantatuko dituzte, aurtengo ohorezko kofradeak izendatu baino lehen. Lehenbiziko kanta Hojas verdes izanen da, gazteleraz, bigarrena Iaute, iaute euskaraz eta, ohikoa duenez, galegoz ere abesti bat estreinatuko dute. Aipatzekoa da Berako Abesbatza Queimadaren Kofradiako Ohorezko kide dela 2005 urteaz geroztik.
Kantaldi honen ondotik, Berako Abesbatzak Eguberri eguneko mezan kantatuko du Berako parrokian.