Elizondoko inauterietako tanborradan izen emateko epea otsailaren 16ra arte zabalik

Elizondoko inauterietako tanborradan izen emateko epea otsailaren 16ra arte zabalik

  Gizartea  Baztan  Elizondo

Kasino, Intza, Hiru eta Saioa ostatuetan apunta daiteke

Aurten ere tanborrada izanen da Elizondoko inauterietan eta bertan parte hartzeko izen emateko epea otsailaren 16ko arratseko 8ak arte ireki dute. Kasino, Intza, Hiru eta Saioa ostatuetan apunta daiteke.

Ikasketa akaberako proiektu eta lanak egiteko deialdi berria egin du Baztango Udalak

  Gizartea  Baztan

Ikasketa akaberako proiektu eta lanak egiteko deialdi berria egin du Baztango Udalak

Aurkeztutakoen artean, 500 euroko lau laguntza emanen ditu, iaz bezala

Baztango udalak bigarren urtez segidan Baztan ikergai duten ikasketa edo master akaberako proiektu edo lanak  egiteko diru-laguntza deialdia egin  du. Hala, aurkeztutakoen artean 500 euroko lau laguntza emanen ditu. Urtarrilaren 13ko Tokiko Gobernu Batzordean erabakia hartu zen eta Nafarroako Aldizkari Ofizialean argitaratzekin indarra hartuko du.

 

 

Antxitonea trinketeko pala txapelketa abiatu da otsailaren 4an

  Kirola  Baztan  Elizondo

Antxitonea trinketeko pala txapelketa abiatu da otsailaren 4an

29 bikotek eman dute izena, 11k lehen mailan eta 28k bigarren mailan

Elizondoko Antxitonea trinketeko pala txapelketa otsailaren 4an, larunbatean abiatu da, goiz eta arratsaldez jokatutako partidekin. Guztira 29 bikotek eman dute aurten izena txapelketan parte hartzeko, 11k lehen mailan eta 28k bigarren mailan. Apirila bitarte ariko dira lehen fasean eta finalak maiatzaren azken aste hondarrerako iragarri dituzte.

Baztan Ikastolak errelebo kontratua betetzeko eta lan poltsa osatzeko deialdia egin du

  Gizartea  Baztan

Haur Hezkuntzako espezialitatea duten irakasleei zuzendua

Baztan Ikastolak errelebo kontratua betetzeko eta lan poltsa osatzeko deialdia egin du, Haur Hezkuntzako espezialitatea duten irakasleei zuzendua. Eskaera orria eta meritoak aurkezteko epea otsailaren 6tik 20ra bitarte zabalik dago, biak barne.

Baztango agroekologia eskola herritarra abian da

  Gizartea  Baztan

Baztango agroekologia eskola herritarra abian da

Balletxeko Etxearekin batera, EHNE, Hazitik Hozie, Lekarozko Legate elkartea, Anizko elkartea eta Jo ala Jo bildu dira ekimenean

Otsailaren 3an, ortzirale eguerdian Baztango hainbat elkartek eta udalak Baztango agroekologia eskola herritarra aurkeztu zuten. Elizondoko Arizkunenean kultur etxean egindako agerraldian ekimen honen nondik norakoak eta eskaintza aurkeztu zituzten. Joseba Otondo alkatearen erranetan urteetan bailarako hainbat elkarteren ekimenak bateratu eta koordinatzearen emaitza da ekimena. 

Aniz eta Berroetako herriek pausu garrantzitsua eman dute hondakinen kudeaketan

  Gizartea  Baztan

Joan den urte akabailan Baztango Udalak bi herri hauetan martxan paraturiko kanpainan herritarrek emandako erantzunak eta lorturiko emaitzek eredugarri bilakatzen dituzte Basaburuako kuarteleko bi herri hauek

Joan den urteko azken hiruhilekoan Baztango Udalak Aniz eta Berroetan kanpaina bat abiatu zuen onartu berri den Nafarroako Hondakinen Planak proposatzen duenaren ildotik herri hauetan sortzen den gai organiko guztia herrian bertan kudeatu eta edukiontzi berdeetako zabor kantitatea guttitzeko asmoz. Herri hauetan buruturiko kanpaina esperientzia pilotua da Baztanen eta hemengo emaitzak ikusita, eredua Baztango bertze herri batzuetara zabaltzea da Udalaren asmoa.

Erakunde sozialetan menpekotasun egoeran dauden pertsonei arreta egiteko ikastaroa emanen du Elizondoko Lanbide Eskolak

  Gizartea  Baztan  Elizondo

Otsailean eman daiteke izena, martxoaren 8tik ekainaren 23ra eskainiko den ikastarorako

Erakunde sozialetan menpekotasun egoeran dauden pertsonei arreta egiteko ikastaroa antolatu du Elizondoko Lanbide Eskolak, langabetuei (%60) eta langileei (%40) zuzendua. Lanerako Lanbide Heziketako Erdi mailako zikloaren baliokidea den titulazioa ematen duen ikastaroa martxoaren 8tik ekainaren 23ra eskainiko da, 15:00etatik 20:20era. 

Literatura beltza sustatzeko (H)ilbeltza beka aurkeztu dute Elizondon

  Kultura  Baztan

Literatura beltza sustatzeko (H)ilbeltza beka aurkeztu dute Elizondon

(H)ilbeltza elkartearen, Txalaparta argitaletxearen eta Baztango Udalaren ekimena

(H)Ilbeltza elkartearen izenean Elurre Iriartek, Txalaparta argitaletxearen izenean Mikel Sotok eta Baztango udalaren izenean Joseba Otondo alkateak, Euskal Herrian literatura beltza sustatzeko (H)Ilbeltza beka aurkeztu zuten Elizondon otsailaren 1ean.

Aroztegiari buruzko batzorde bat sortzeko Baztango udalaren babes zabala baikor baloratu du Geroa Baik

  Gizartea  Baztan

Udal talde guztietako ordezkariek, Lekarozko alkateak, udal arkitektoak, Nafarroako Gobernuko ordezkari batek eta sustatzailearen ordezkari batek osatuko dute

Baztango Geroa Baik era positiboan baloratu du Aroztegia proiektuari buruzko berariazko batzorde bat sortzeko bere proposamenean lortutako udal babes zabala, horrela udalean ordezkaritza duen talde orok proiektuaren garapenari buruzko informazio zuzena izan dezan.

Elizondoko sarrerako zubia egiteko eskatu dio Baztango Udalak Nafarroako Gobernuari

  Gizartea  Baztan

Mozio berean, Lekarozko herria kanposantuarekin saihesbidearen gainetik zaldain batekin lotzeko eskaera ere egin zen

Urtarrilaren 26an egin zen ohiko osoko bilkuran, Baztango Udalak Nafarroako Gobernuari Elizondoko sarrerako zubia egiteko eskatzea erabaki zuen. Mozio berean, Lekarozko herria kanposatuarekin saihesbidearen gainetik zaldain batekin lotzeko eskaera egitea ere onartu zen. Proposamena EH Bilduk eta Baztango Ezkerrak aurkeztu zuten eta aho batez onartu zen.

 

Gartzaingo Berekotxeko bordako ardiak hiru bildots

Gartzaingo Berekotxeko bordako ardiak hiru bildots

  Gertaerak  Baztan  Gartzain

Gartzaingo Berekotxeko bordan ardi batek 3 bildots izan zituen eta berak hazten ditu. Arras maite omen ditu hiruak, gainera!

Esne sektoreak bizi duen kinkari erantzunez mahai-ingurua egin dute Elizondon

  Gizartea  Baztan

Esne sektoreak bizi duen kinkari erantzunez mahai-ingurua egin dute Elizondon

Hazitik Hozie elkarteak eta EHNE sindikatuak antolaturik, interesatutako jende aunitz bildu zen larunbat eguerdian Arizkunenean

Apirilaren 1etik Danonek Nafarroako mendialdeko 7 nekazariri esne gehiagorik bilduko ez diela jakinarazi ondotik -tartean bi baztandar- eta Sorian 20.000 behi buruko esne ustiategia egiteko proiektua dagoela jakinik, esne sekorearen orainaz eta geroaz gogoeta egiteko larunbatean Elizondon mahai-inguru jendetsua egin zen. Hazitik hoziek eta EHNEk antolaturik Migel Joxe Ariztia amaiurtar nekazaria, Oier Villanueva Nafarroako EHNEren esne sektoreko arduraduna eta Mikel Hiribarren, Confederation Paysanne- ELBko koordinatzailea Aitor Azkarateren, Jauregia esnekietako kidearen gidaritzapean aritu ziren. Mahai-ingurua mehatxu berri hauei erantzuteko lehendabiziko urratsa izan zen.

 

Aroztegiko proiektuaren jarraipena egiteko udal batzordea sortzea erabaki du Baztango Udalak

  Gizartea  Baztan

Kontra bozkatzerakoan bakarrik gelditu den EH Bilduren ustez, Geroa Bairen proposamena «itxurakeria hutsa da, informazioa eta ardura Iruñean baitaude»

Baztango Balleko Etxeko urtarrilaren 26ko Osoko Bilkuran Baztango Geroa Baik Aroztegiako proiektuaren jarraipena egiteko udal batzordea sortzea proposatu zuen. Proposamen horren alde agertu zen udal batzarra, Geroa Baiko bi zinegotziek ez ezik, UPNko lauak, Baztan Auzolanean-ekoak eta Baztango Ezkerrako bi zinegotziek baiezko bozka eman baitzuten. EH Bilduko lau zinegotziak kontra agertu ziren.

Ameli ipuin kontalaria izan da Elizondoko eskola publikoan

  Kultura  Baztan  Elizondo

Ameli ipuin kontalaria izan da Elizondoko eskola publikoan

Eskolaz kanpoko liburutegi zerbitzua ere eskaintzen dute ikasturte honetan

Elizondoko Eskola Publikoko ikasleek Ameli Ipuin Kontalaria ikusteko eta gozatzeko aukera izan zuten eskolako liburutegian urtarrilaren 23an, asteartean. Ekintza hau irakurzaletasuna eta liburutegiaren erabilera sustatzea helburua duen egitasmo zabala baten barnean kokatuta dago. Egitasmo honen barne, eskolako orduetan, baita eskolatik kanpoko orduetan ere ekintza desberdinak antolatu dira.

Berroetako inauteriak 2017

  Gizartea  Baztan  Berroeta

»» Ikusi argazki guztiak (2)

Hondakin zerbitzuen egutegiek zozketatutako 300 euroak Zigarat

  Gizartea  Baztan  Ziga

Hondakin zerbitzuen egutegiek zozketatutako 300 euroak Zigarat

Juan Miguel Ibarra Elizalderi egokitu zaio erosketa txartela 

Azken urteetako ohiturari eutsiz, aurten ere Baztango Udalak eta Bortziriak eta Malerrekako Mankomunitateek zonaldeko etxe guztietan banatu den egutegia prestatu dute. Ale bakoitzak zenbaki bat du urtean zehar, hiruhilabetetik behin egiten diren zozketetan parte hartzeko. Saria eskualdeko dendetan gastatzeko 300 euroko erosketa txartela izanen da. 2017ko lehen zenbaki sariduna atera dute eta Zigako Juan Miguel Ibarra Elizalderi egokitu zaio saria. 

Elizondoko San Antongo zozketako aretzea eta zerria zenbaki berarentzat izan dira historian lehen aldiz

  Gizartea  Baztan  Elizondo

Elizondoko San Antongo zozketako aretzea eta zerria zenbaki berarentzat izan dira historian lehen aldiz

Ramon Apezetxea Almandozko apeza da 3.822 zenbakiaren jabea

Gutienez 1867. urtetik egiten da Elizondon Francisco Joaquin Iriarte Zahar Etxearen aldeko zozketa eta inoiz ez zen halakorik gertatu. Lehen eta bigarren saria, aretzea eta zerria, zenbaki berari egokitu zitzaizkion: 3.822. Ramon Apezetxea Almandozko apezak erosi zuen Foto Zaldua argazkidendan.

Eraso sexisten aurkako protokoloa baloratu du Baztango Bilgune Feministak

  Gizartea  Baztan

Aurtengo udara begira formakuntza saioak prestatuko dituzte

2016. urtea bukatu zaigun honetan, eta 2017aren bidea abiatu dugularik, Baztango Bilgune Feministatik azkeneko urte honetan egindako lanaren balorazioa egin eta aurtengo prestatu dituztenak azaldu dituzte.

Erdizen aziendendako korlea egin du Baztango Udalak

  Gizartea  Baztan

Erdizen aziendendako korlea egin du Baztango Udalak

Lana Harri-lan enpresak egin du eta denera, 15.391 euroko kostua izan du

Erdizeko bazkaleku komunaleko nekazariekin  urtero egiten den bilkuran Pitzamar alderdian aziendendako korlea egitea behin eta berriz eskatu izan da. Aitzineko urteetako aurrekontu murritzarengatik orain artio ezin izan da egin; modu horretan, 2016ko azaroaren hondar aldean hasi eta abenduaren erdi alderat akitu dira hiru astez luzatu diren lan hauek. 

Nabarmenak

Zorion agurrak