Aitaren bizipenak eta bertze istorioak komikian bildu ditu Begoña Durruty margolari arizkundarrak

  Kultura  Baztan  Arizkun

Aitaren bizipenak eta bertze istorioak komikian bildu ditu Begoña Durruty margolari arizkundarrak

Aljeriako gerlan zauritu zuten eta gerritik beheiti mugitu ezinik gelditu bazen ere, ezintasun hori gainditzea lortu zuen Gregorio Durrutyk

Gregorio Durruty aitaren Aljeriako gerla garaiko pasadizoak eta bizipenak eta bertze zenbait istorio bildu ditu Begoña Durruty margolari arizkundarrak nobela grafiko batean. 

2016 urtean kultur jarduerak antolatzeko diru-laguntzak onartu ditu Baztango Udalak

  Kultura  Baztan

2016 urtean kultur jarduerak antolatzeko diru-laguntzak onartu ditu Baztango Udalak

Guraso elkarteek antolatutako kultur ekitaldiak ere subentzionatuko ditu 

Kultur jarduerak egiteko eta kultur elkarteak diruz laguntzeko 20.299,74 euro euro bideratuko ditu Baztango Udalak. Horretaz gain, ikastetxe ezberdinetako Guraso Elkarteek urtean zehar antolatutako kultur ekitaldietarako ere 3.247,20 bideratu ditu.

Urte akabailako afaria egin dute Baztango Suinki Euskaltegikoek

Urte akabailako afaria egin dute Baztango Suinki Euskaltegikoek

  Gizartea  Baztan

2016 urteari akabaila emateko ohi bezala afaria izan zuten Baztango Suinki AEK euskaltegiko ikasle eta irakasleek joan den ortziralean, abenduaren 16an. Giro ederrean joan zen afaria eta afal ondoa eta datorren urtean ere, euskara ikasten segitzeko xedea azaldu zuten.

Baztan eta Larraun bailarako hainbat abeltzainen esnea jasotzeari uko eginen dio Danonek

  Gizartea  Baztan

EHNE sindikatuak salatu duenez, «esne kuoten ekoizpen eredua bertan behera geratu zenetik, nahi moduan maneiatzen dituzte industriek abeltzainak»

Larraun eta Baztan inguruko zazpi abeltzainek bizi duten egoera larria salatu du EHNE sindikatuak. Esnea ekoizten duten baserritar hauek, esnea bilduko dien enpresarik gabe geratuko dira. Hiru hamarkadaz hutsik egin gabe Danone enpresari esnea entregatzen jardun ondotik, enpresa honek apiriletik aurrera beraien esnea ez duela bilduko adierazi die. 

Baztango Geroa Baik udaleko dokumentazioan gardentasuna sustatzearen alde egin du

  Gizartea  Baztan

Bere mozioa Geroa Bai eta Auzolanean taldeen botoekin onartu da, EH Bilduk, UPNk eta Baztango Ezkerrak abstentziora jo duten bitartean

Baztango Geroa Baik Udaleko udal talde guztiei Udalaren kontratazio espedienteen dokumentazioa eskabiderik gabe modu automatikoan ematea proposatu du, modu horretan kudeaketan gardentasuna sustatzearen alde eginez. 

Arkitekto teknikoa kontratatzeko hautaproba abiatu du Baztango Udalak

  Gizartea  Baztan

Eskaerak abenduaren 25a baino lehen aurkeztu behar dira 

Euskaraz dakin arkitekto tekniko lanpostuan aldi baterako kontratu bidez aritze aldera, udalean gertatzen ahal diren beharrak asetzeari begira lan publikoaren eskaintza deialdia egin du Balleko Etxeak, izangai-zerrenda bat hautaproben bitartez osatzeko. Deialdia abenduaren 15eko Nafarroako Aldizkari Ofizialean argitaratu zen eta egun horretatik hasita, hamar egun naturaleko epea izanen da eskaerak aurkezteko.

Deialdia

Bake epaitegia Foruzainen Elizondoko lehengo komisaldegian jartzea proposatu du Baztango Udal Gobernuak

  Gizartea  Baztan

Geroa Bairen proposamena ez dela bideragarria uste du, plazako eraikinean paratzeko eraikina akitu beharko bailitzake lehenik eta horrek 200.000 euro beharko lirateke

Baztango Udal Gobernuak Bake Epaitegia Foruzainen Elizondoko lehengo komisaldegian jartzeko proposamena egin du. Lanen egitea 10.000 euroko aurrekontua du eta Nafarroako Gobernuak 5.000 euroko laguntza eman zuen. EHBildu eta Baztango Ezkerraren erranetan, «Geroa Baik, UPNk eta Auzolaneanek laguntza hori jasotzeari ez erran zioten». 

Baztango eskuz binakako pilota txapelketaren finalak jokatu dituzte abenduaren 11n Elizondon eta Iruritan

  Kirola  Baztan

Baztango eskuz binakako pilota txapelketaren finalak jokatu dituzte abenduaren 11n Elizondon eta Iruritan

Denera 260 pilotari aritu dira hogeita hamabosgarren edizioan

Txaruta elkarteak antolatutako Baztango XXXV. eskuz binakako pilota txapelketako finalak jokatu zituzten abenduaren 11n Elizondon eta Iruritan. Denetara 260 pilotarik hartu dute parte: 4 bikote txikien mailan (denak Txarutakoak), 20 bikote umeen kategorian, 33 bikote kimuak bmailan, 29 bikote haurrak mailan, 23 bikote kadete mailan eta 21 bikote gazte mailan. Pilotari gehienak Nafarroakoak ziren (%70), Gipuzkoakoak %27 eta Iparralde eta Errioxako batzuk ere baziren. Denera 216 partida jokatu dira urriaren 15ean abiatu zen txapelketan.

Baztango Udalak etxebizitzen alokairua bulkatzeko Nafarroako Gobernuarekin hitzarmena sinatu du

  Gizartea  Baztan

Baztango Udalak etxebizitzen alokairua bulkatzeko Nafarroako Gobernuarekin hitzarmena sinatu du

NASUVINSAk kudeatzen duen Alokairu-Boltsa baztandarrek udalaren bidez erabiltzen ahalko dute. 

Miguel Laparrak Nafarroako Gobernuko lehendakariorde eta Eskubide Sozialetako kontseilariak eta Joseba Otondok, Baztango alkateak, udala “Alokairu-Boltsa” bizitegi programaren erakunde laguntzaile izendatzeko lankidetze hitzarmena sinatu zuten abenduaren 7an. Honen bidez baztandarrek etxea izatea errazteko, hutsik diren bizitegiak etxebizitzaren merkaturat aterarazi nahi dira. 

Baztango Geroa Baik bake-epaitegia Elizondoko plazako udal eraikinera eramatea proposatu du

  Gizartea  Baztan

Gaur egun dagoen eraikinak ez dituela beharrezko segurtasun eta kalitate bermeak ematen uste du

Baztango Geroa Baik bake-epaitegia Elizondoko plazako udal eraikinera eramatea proposatu du, gaur egun dagoen eraikinak ez baititu beharrezko segurtasun eta kalitate bermeak ematen. «Enparantzako eraikina zerbitzu ugari emateko prestatu zen, bake-epaitegia bertze batzuen artean», adierazi du udal taldeak. 

2014ko uberroetako zerga salbuespenak itzuli berri ditu Baztango Udalak

  Gizartea  Baztan

Aldeko txostena duten 24 eskatzaileei 13.595,56 euro bueltatu zaizkie

Baztango udalak, hala dagokienei 2014ko uberroetako zerga salbuespenak itzuli berri dizkie. Zerga salbuespena uztailaren 18ko 245/2014 foru aginduaren bidez arauturik dago eta, horren arabera, aldeko txostena duten 24 eskatzaileei 13.595,56 euro itzuli zaizkie.

Herri-kirolak batu ditu Aniz, Berroeta eta Zigako gazteak

Herri-kirolak batu ditu Aniz, Berroeta eta Zigako gazteak

  Kirola  Baztan

Aniz, Berroeta eta zigatar gazte kuadrilla honek abenduaren 3an Zigako plazan hitzordua jarria zuen herri-kirol saioa eskaintzeko: koxkor biltzen, laisterka eta aizkoran aritu ziren. Hiru herrietatik jendea agertu zen, euren herritarrak animatzera. Guztiak suertatu ziren garaile, goiz ederra pasa zutelako lagun eta herritarren artean.

Larrialdiei buruzko ikastaroa eman dute Berroetan

Larrialdiei buruzko ikastaroa eman dute Berroetan

  Gizartea  Baztan  Berroeta

Abenduaren 2an, Kristina Urrutia amaiurtarrak eta Elena Danboriena berroetarrak, larrialdietan nola jokatu irakasteko ikastaroa eman zuten Berroetako batzartegian. Berroeta, Aniz eta Zigako jende ugarik parte hartu zuten egitasmoan. Arras interesgarria izan zen, zalantza ugari argitu zituzten eta bertaratutako denak arras kontent atera ziren. 

Baratze kritikoa erakusketa zabalduko dute Elizondon abenduaren 5etik 16ra arte

  Kultura  Baztan  Elizondo

Mugarik gabe erakundearen eskutik Arizkunenean 

Mugarik gabe erakundearen eskutik ‘Baratze kritikoa’ erakusketa ikusgai izanen da abenduaren 5etik 16ra arte Elizondoko Arizkunenea Kultur Etxean. Info +

Palacio de Arozteguia enpresak demokrazia mehatxatzen duela uste du Aroztegia… eta gero zer? Plataformak

  Gizartea  Baztan

Palacio de Arozteguia enpresak demokrazia mehatxatzen duela uste du Aroztegia… eta gero zer? Plataformak

Abenduaren 1ean egindako agerraldian, enpresaren jazarpena salatu dute eta proiektuaren tramitazioaren aurka jarrita dauden helegiteei buruz ere aritu ziren

Palacio de Arozteguia S.L. enpresak zazpi herritarren kontra abiatutako jazarpen kanpainaren berri eman zuen abenduaren 1ean Aroztegia… eta gero zer? Plataformak. Proiektuaren tramitazioaren aurka jarrita dauden helegiteei buruz ere aritu ziren Arizkunenean eskainitako prentsaurrean.

Baztango udalak euskararen egunari buruzko adierazpena onartu du

  Gizartea  Baztan

UPNk ez bertzerik, udalean ordezkaritza duten alderdi guztiek euskararen aldeko idazkia babestu dute

Azaroaren 24an egin zen ohiko osoko bilkuran Baztango udalak Euskal Herri osoko erakunde eta eragile herritarrek adostutako “Zer egin dezaket nik euskararen alde” agiria onartu zuen. EH Bilduk, Ezkerrak, Geroa Baik eta Baztan Auzolaneanek adierazpenaren alde egin zuten, denera 9 bozka. UPNk, berriz, abstentziorat jo zuen.

Munduko errugbi txapelketarako txartela lortu du Saioa Jaurena elizondarrak

  Kirola  Baztan

Munduko errugbi txapelketarako txartela lortu du Saioa Jaurena elizondarrak

Espainiako selekzioa Eskoziakoari nagusitu zaio Europako azken txartela ematen zuen kanporaketan

Saioa Jaurena elizondarrak Europako emakumezkoen errugbi txapelketa irabazi zuen urrian Espainiako selekzioarekin. Garaipen hark, Munduko txapelketarako sailkatu ahal izateko bertze bi partida jokatzeko eskubidea eman zion Espainiako selekzioari. Hain zuzen, azaroan jokatukdu Eskoziaren kontra, joan eta etorriko kanporaketa, 2017an Irlandan jokatuko den Munduko txapelketarako Europako taldeendako azken txartelaren bila. Eskozian jokatutako partidan 5-10 irabazi zuen Espainiako selekzioak eta itzulerakoan, Madrilean larunbatean jokatutako partidan ere 15-10 irabazi zuenez, Munduko txapelketan izanen da Espainiako selekzioa eta Saioa Jaurenak ere izanen du bertan parte hartzeko aukera.

Nabarmenak

Zorion agurrak