erran.eus

Mendi Abesbatzak kontzertua eskainiko du otsailaren 18an Erratzun

  Kultura  Baztan  Erratzu

Larunbat arratsaldeko 8etan elizan, Baztan eta bere inguruarekin zerikusia duten obrak abestuko dituzte

Otsailaren 18an, larunbat arratsaldeko 8etan Erratzuko Elizan Doneztebeko Mendi Abesbatzak Kontzertua eskainiko du. Bertan estilo desberdinetako hainbat doinu entzun ahal izanen dira, baina abesbatzako kideak bereziki Baztan eta bere inguruarekin zerikusia duten obrak hautatzen saiatu dira. 

Mendi Abesbatzak kontzertua eskainiko du otsailaren 18an Erratzun
Baztan eta inguruko obrak eskainiko ditu Mendi Abesbatzak Erratzun. | Ikusi handiago | Argazki originala

 

Horrela, Lekarozko Institutuan hainbat urtez egon zen Aita Donostiaren kanta batzuk abestuko dituzte, tartean Alduden gizonik ez izenekoa; Elizondon jasotako doinu baten gainean Xabier Sarasola beasaindarrak konposatutako Neskatx' Ederra abestuko dute; Urepeleko Xalbador bertsolari handiari eskainitako Xalbadorren heriotzean ere bertan izanen da...

Kontzertuan hainbat bakarlarik ere parte hartuko dute: Arantxa Ziganda, Alicia Telletxea eta Mañoli Apeztegia sopranoek, Xalbador Arriola tenoreak eta Beñardo San Miguel baritonoak hain zuzen ere, Ruth Etxebeste pianojolea eta Itziar Irigoien txistulariaren laguntzaz. Zuzendari lanetan Ion Irazoki ariko da.

Kontzertua Nafarroako Abesbatzen Elkarteak antolatu du, Abesbatzak Nafarroan Kontzertu Sailaren barrenean.

2017/02/18 20:00

Erratzuko eliza Baztan Erratzu

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa