Finalerdietako emaitzak
Otsailaren 10ean, ortzirale arratsean jokatu zituzten finalerdiak Iruritako Aranabia pilotalekuan. Hauek izan ziren emaitzak:
Oscar Urrutia, Juan Mª Maia eta Miguel A. Iñarreak, 9; Manu Irigoien, Guillermo Etxenike eta Kaiet Itoiz-ek, 5
(2-0, 2-1, 3-1, 3-2, 4-2, 4-3, 7-3, 7-5, 9-5)
Xabi Barberena, Mattin Legarrea eta Joxe Mª Salaburuk, 9; Miguel Etxandi, Garikoitz Antxorena eta Gorka Urtasun-ek, 4
(0-1, 1-1, 1-2, 3-2, 3-3, 8-3, 8-4, 9-4)
Finala eta hirugarren posturako lehia otsailaren 18an
Gauzak honela, otsailaren 18an, larunbat arratsaldeko 5etan hasiko den jaialdian, hirugarren posturako lehia eta final handia jokatuko dituzte. Hirugarren postuaren bila, Erratzuko Miguel Etxandi eta Garikoitz Antxorena eta Iruritako Gorka Urtasun, Erratzuko Manu Irigoien eta Kaiet Itoiz eta Iruritako Guillermo Etxenikeren kontra ariko dira.
Ondotik, final nagusian, Iruritako Oskar Urrutia eta Miguel Angel Iñarrea eta Elizondoko Juan Mari Maia, Iruritako Xabi Barberena eta Joxe Mari Salaburu eta Elizondoko Mattin Legarrearen kontra ariko dira.
Bi partiden ondotik, txapelak eta sariak banatuko dituzte eta gero afaria izanen dute.