Eskolaz kanpoko liburutegi zerbitzua ere eskaintzen dute ikasturte honetan
Elizondoko Eskola Publikoko ikasleek Ameli Ipuin Kontalaria ikusteko eta gozatzeko aukera izan zuten eskolako liburutegian urtarrilaren 23an, asteartean. Ekintza hau irakurzaletasuna eta liburutegiaren erabilera sustatzea helburua duen egitasmo zabala baten barnean kokatuta dago. Egitasmo honen barne, eskolako orduetan, baita eskolatik kanpoko orduetan ere ekintza desberdinak antolatu dira.
Aurten, bertze berrikuntza batzuen artean, eskolaz kanpoko liburutegiko zerbitzua zabaldu da, hezkuntza komunitateko kide guztiendako irekita egonen dena: gurasoendako, aitatxi-amatxiendako baita eskolako ikaslendako ere. Zerbitzu hau posible izan da Eskola eta Guraso Elkartearen arteko elkarlanari esker. Zerbitzuaren finantziazioa Guraso Elkarteak egiten du..
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.