erran.eus

Bidasoko Trenbidearen Mendeurreneko erakusketa Elizondon dago ikusgai

  Kultura  Baztan  Elizondo

Urriaren 15etik azaroaren 7ra Arizkunenea Kultur Etxean 

Bidasoko Trenbidearen sorreraren mendeurrenaren erakusketa ibiltaria Elizondon ikusgai dago urriaren 15etik azaroaren 7ra. Astelehenetik larunbatera, 18:00etatik 20:00etara egonen da ikusgai Arizkunenean. Ondotik, Donezteben azaroaren 10etik 20ra, Zubietan azaroaren 24tik 27ra, Iturenen abenduaren 2tik 4ra, Bertizaranna abenduaren 7tik 18ra eta, mendeurrenaren ospakizunak akitzeko, Elgorriagan abenduaren 23 eta 31a bitartean egonen da.

Bidasoko Trenbidearen Mendeurreneko erakusketa Elizondon dago ikusgai
Arizkunenean jarriko dute ikusgai Bidasoko Trenaren mendeurrena gogoratzeko herriz herri dabilen erakusketa. | Ikusi handiago | Argazki originala

 

“Tren Txikito”, Bidasoko burdinbideari emaniko izena burdinbidearen zabalerarengatik, 1898. urtean Endarlatsako ikaztegia Irunekin komunikatzen zuen meatze-trena zen. 1916. urtean bidaiari-tren izatera pasa zen, Doneztebe eta Elizondora zabalduz bere bidea eta 1956a arte funtzionatu zuen.

“Tren Txikitoren” mendeurrena dela eta, Cederna Garalur Elkarteko Baztan-Bidasoa Turismo Garapenak eskualdeko udal, EuskoTren eta Manuel Cariñena pribatuarekin batera eta Turismoa eta Merkataritza Antolatu eta Sustatzeko Zerbitzuaren finantzaketarekin erakusketa ibiltari hau antolatu dute. Helburua eskualdean komunikabide honek izan zuen garrantzia eta trenari loturiko bizi-modu desberdinak gogoraraztea da. Erakusketak ateak ekainean Lesakan ireki zituen eta abendua bitarte irekita egongo da.

Elizondora ailegatu aitzinetik, Lesakan, Etxalarren, Donamarian, Donezteben, Eratsunen, Beran, Igantzin eta Sunbillan izan da erakusketa.

2016/10/15

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa