Irailaren 2 eta 3an Ñaco Goñi y los Buescavidas, Spanish Blues Harp Attack (Ñaco, Mingo, Danny Boy, Joan Pau Cumellas eta Antonio Serrano), Miki Nervio y los Bluesmakers, Big Mama Montse, Sister Marion eta Tofol Martinez, Paul San Martin eta Iker Piris musikariak espero dituzte, bertze zenbaiten artean.
Duela urtebete sortu zen Baztango Blues Elkarteak Euskal Herriko blues zaleak biltzea espero du eta Txuribeltz festibala nahitaezko hitzordua bilakatzea. Gaur egun 87 bazkide ditu elkarteak eta 14 hilabetez 20 bat kontzertu antolatu ditu, batez ere Elizondoko Ilargi ostatuan.
Abuztuaren 13an Elizondoko plazan
Baina irailera esperatu gabe, abuztuaren 13an, larunbatean 21:00etan ere blues kontzertua antolatu du Baztango Blues Elkarteak. Elizondoko plazan Txileko J.M. Carrasco&Cristian Inostrozak eta Paul San Martin&Roman Grataionek joko dute.