Larunbateko ekitaldiekin hasiz, eguerdiko 12:00etan Elizondoko Merkatuzelaitik abiatuta kantu eta dantza jira eginen dute, porrotx eta hainbat abesbatzaren partehartzearekin. Zehazki, Gaztelua Abesbatza, Elizondoko Abesbatza Ttikia, Baztango Xulubitariak, Baztandarrak dantza taldea eta fanfarrea, Baztandarren Biltzarra, Baztango ikastetxeak eta Baztango Udala izanen dira laguntzaile. Herrian barrena kantu eta dantza jira bat proposatuko dute, herritar guztiei zabalik dena. Kerizu beretik elkartea, eta Hondarribiko Olagarro, Zarauzko Montetxio eta Lasarte-Oriako Xumela abesbatzek antolatzen dute.
Larunbat arratsaldeko 7etan, Abesbatzen Topaketa kontzertua eskainiko dute Erratzuko elizan Amaiurko Gaztelu, Hondarribiko Olagarro, Zarauzko Montetxio eta Lasarte-Oriako Xumela abesbatzek.
Maiatzaren 1ean, igande eguerdiko 12:30ean Amaiurko plazatik abiatuta Amaiurko Gazteluan kantuz jaialdia proposatzen dute Kerizu beretik elkarteak eta Olagarro, Montetxio eta Xumela abesbatzek. Amaiurko herriak eta Gaztelu abesbatzak lagundu dute ekitaldi hau antolatzen.
