Zerbitzu honekin eskualdean bertan, aukera eman nahi izan diete bere garaian ikasketak akitu gabe utzi zituzten herritarrei. 18 urtetik goitiko herritarrei oinarrizko ikasketak eskaintzea izan da helburu; doakoa eta hezkuntza sare publikoaren bitartez. Parte-hartzaileek Bigarren Hezkuntzako titulazioa eskuratzeko aukera izan dute.
Beraz, bere garaian ikasketak bukatu gabe utzi zituzten herritar guztiei dei egiten diete 2016-2017ko ikasturtean DBH-ko titulua eskuratzeko taldean izena ematera, apirilaren 29a arte epea zabalik dago, Lekarozko institutuko bulegoetara deituz egin dezakezu. Telefonoa 948581803 da eta ordutegia, astelehenetik ostiralera 8:00etatik 15:00etara eta asteartean 18:00ak arte.
Informazio bilerak herriz herri
Honen inguruko informazio zehatzagoa emateko eta herritarren zalantzak argitzeko asmoarekin, hurrengo apirilaren 12tik aitzin, Baztango herri guztietan batzar informatiboak antolatu dituzte. Hauek izango dira hitzorduak:
Almandozen: apirilaren 12an, asteartea, 17:00etan.
Berroetan: apirilaren 12an, 18:00etan.
Anizen: apirilaren 12an, 19:00etan.
Oronozen: apirilaren 13an, asteazkena, 17:00etan.
Arraiozen: apirilaren 13an, 18:00etan.
Iruritan: apirilaren 13an, 19:00etan.
Zigan: apirilaren 14ean, osteguna, 17:00etan.
Lekarozen: apirilaren 14ean, 18:00etan.
Gartzainen: apirilaren 14ean, 19:00etan.
Amaiurren: apirilaren 19an, asteartea, 17:00etan
Azpilkuetan: apirilaren 19an, 18:00etan
Erratzun: apirilaren 19an, 19:00etan
Arizkunen: apirilaren 20an, asteazkena, 17:00etan
Elbeten: apirilaren 20an, 18:00etan
Elizondon: apirilaren 20an, 19:00etan
